明报：金像奖红地毡｜刘嘉玲颁“最佳新演员” 撑梁朝伟攞影帝
第四十二届香港电影金像奖颁奖典礼今晚（14日）举行，影后刘嘉玲身穿露肩晚装配拖尾外套，雍容华贵。问她是否代表老公梁朝伟攞最佳男主角？她否认，指自己支持这个盛事，负责颁“最佳新演员”奖。
问到伟仔有否说倘若攞奖，代他说致谢辞？她说﹕“冇，佢喺德国拍戏，但知道大会播放最佳男主角提名名单时，会同步跟伟仔视像，佢应该即刻知道赛果。（会否替伟仔紧张？）唔紧张，我觉得应该係佢囉㗎，唔係咩？其他人会付出100分、200分，佢会付出500分，甚至1000分，为工作好努力、好投入，将所有嘢都放埋一边，包括我在内，佢敬业乐业精神好值得鼓励。”
