黄剑文自爆惨被狠批激吻陈蒨葶搏上位：亚洲人嘅思想会保守少少 | 香港01
黄剑文、梁艺龄、蒋丽萍和李璧琦等艺人今日（18日）出席《地球大神秘》记者会。黄剑文接受《香港01》表示：“今次有份唱主题曲当然开心，我冇谂过佢哋会邀请我唱主题曲，好荣幸！”
他继续指有望会陆续接到唱主题曲的邀请和商业演出。提到音乐发展，他透露：“应该有歌会出，其实自己都识得作曲，写紧歌搵编曲人去编曲，相信会好快推出！”
被问到日前参与《中年好声音2》演唱会的感受，他表示：“主要觉得好好玩，唔够喉，有新尝试可以跳唱，呢个係我10几岁嘅梦想。”
讲到与陈蒨葶台上激吻引起极大迴响，他表示：“其实我哋喺演唱会前一两日，监制就睇咗我哋11几分钟嘅短剧，监制睇完就唔係好明白里面嘅内容，佢话以观众嘅角度去睇锡埋就会有个种效果。”他透露事实上有收到粉丝的反对声音。
他主动忆述排练过程尴尬：“最初係谂住鍚一吓，但係骚前嘅一日监制就话如果听到观众嗌嘅时候，就千祈唔好停，就会出咗戏，做唔到戏。”谈到会否担心在亲吻期间会有生理反应，他笑言：“呢个就冇嘅，其实都排咗好多次。”
至于会否担心对方的粉丝留言攻击，他坦言：“如果大家理解真係一个剧，其实唔係淨係谂粉丝，係要谂观众，对于监制嚟讲係为咗成件事。”
他真情剖白：“我可能有几年时间都喺外国度生活，我係一个观众嚟睇喺外国係好普通，可能亚洲人嘅思想会保守少少，如果我觉得係剧情嘅需要我都会去做。可能有一啲留言係街外嘅人话唔需要攞呢啲嘢嚟搏上位，我收到要锡锡都係两日时间嘅事，连瞓觉嘅时间都冇。”他笑言事前没有刻意去刷牙，并表示：“（锡锡）其实都係掂一掂。”
