明报：神耆小子｜冼靖峰首与郑则仕合作 感激前辈无私指导
两届影帝郑则仕（Kent）、冼靖峰、萧正楠、樊亦敏、傅嘉莉等合演的TVB剧集《神耆小子》将于5月6日首播，故事讲述白手兴家的零食集团“劲威威”CEO钱大海（郑则仕饰）无论在商场或屋企均是“有佢讲冇人讲”，儿子继来（曹永廉饰）、女儿有方（傅嘉莉饰）及情人知己洪玫瑰（樊亦敏饰）面对他的高压手法，表面言听计从，实则各有各阳奉阴违。大海对他们起疑心，常以遗嘱威胁他们。
一天，大海上班途中被绑架，绑匪称是其家人指示，令“查找绑架叛徒”风波一触即发。路过绑架现场的赵一鸣（冼靖峰饰），在不能选择的情况下当上大海的私人侦探，被威逼要收留大海。他回家后，竟发现父亲子勇（萧正楠饰）与大海有陈年血海深仇。
郑则仕与剧坛新丁冼靖峰的演龄差距颇大，合作时竟然一拍即合。冼靖峰说︰“由Day 1去到最尾嗰日，Kent哥都係教紧我嘢，佢知我演戏经验好少，唔单止教我讲对白，仲教我点分析角色同揣摩角色对于故事嘅功能。同Kent哥拍完每场戏，佢都会喺休息时间讲解番场戏点解要咁做；每日拍完一齐食饭，佢又会讲番我听佢嘅相关经验，同埋我点样可以更好装备自己。佢连返到屋企都会再Text我，教我边场边场可以注意啲乜，临尾仲一定加句‘希望你拍摄顺利啦’。Kent哥又会教我好多人生道理，用佢嘅人生经验教我点去看待自己嘅事业。拍完套剧我就去咗拍《亚洲超星团》，Kent哥差唔多每2、3日就同我讲加油，问我咩状况、有冇咩困难？呢啲前辈边度搵？”
冼靖峰觉得郑则仕跟他已过身的祖父十分相似，指两人都是调皮得来有威严。他说︰“我一开始都惊Kent哥，后来愈嚟愈唔怕佢。”冼靖峰又感激樊亦敏（Amy）的提点︰“我平时会睇多啲IT嘅嘢，呢个係Amy姐教我嘅，到我睇剧本时我就知个term讲紧咩，可以好有自信咁讲到出嚟，咁角色嘅说服性会强好多。”
