明报：芷珊约您｜轩仔自认恶顶
生活习惯吓怕有缘人 谈感情事 搵到真爱就退休
由黎芷珊主持的《芷珊约您》昨晚（28日）播出一集嘉宾是张敬轩（轩仔），芷珊飞到纽约直击轩仔美国站巡唱，巡唱结束后，芷珊与轩仔深度交流。
芷珊问轩仔入行多年牺牲了什麽？轩仔坦言：“一个内地人嚟香港（发展），你会觉得你有咩唔好嘅新闻，会好似变咗一个内地人嘅典范（代表），好多因素令我觉得输唔起。”轩仔续指为了保持靓声，连最爱的酒都不敢多喝：“我要Keep住把声仲唱到以前啲歌，咁呢啲就係平时生活上嘅约束。”
问到未来十年计划，轩仔打算将多年来累积到经验与后辈分享：“用我哋捱过嘅苦头话畀佢哋听捷径喺边度，呢啲係好好传播（传承）。”芷珊问到现在的他快乐吗？轩仔坦言：“快乐呀，行到42岁呢两年係我人生最好时候，我有自己团队，无论做演唱会或者拍YouTube都有好反应，自己派歌反应又好好，爸爸妈妈生活又安稳，自己想食嘅嘢又食得起，想去嘅地方又去得起，觉得人生好圆满，但要Keep住落去係唔容易。”
芷珊向轩仔提问大家感情事，42岁的轩仔坦言开始有想被人照顾的念头，芷珊问到有否遇过适合对象？轩仔想了良久后说：“（呢行）唔係好识到人係真嘅，同埋（我）唔係咁轻易畀人进入到我生命。”他又自认恶顶：“比如有Potential成为情人嘅人，同一班Friend嚟到我屋企，会喺我屋企攞起啲嘢嚟睇睇，但係佢摆唔番啱个位，咁我就会行埋去摆番啱，咁就完咗喇。”
芷珊向轩仔严刑迫供拍过几次拖，轩仔说：“拖过一隻、半隻手仔咁啦，我係一个讲将来嘅人，但一去到讲将来标准就会唔同，我係冇‘不如行吓睇吓点先啦’呢一种，我所有嘢都要Well Planned。”
问到有否真正爱过一个人？轩仔不讳言：“我觉得我係爱过，其实父母係影响我嘅感情观，佢哋係南辕北辙，到𠵱家都係唔夹，我见到我妈嘅痛苦，嗰种矛盾到𠵱家40几年都係冇解决，佢哋到离开嗰一日，都唔会解决得到，我唔可以畀我人生係咁。”轩仔直言如果遇到真爱便会退休：“如果我Commit得佢係我另一半，我会同佢Share人生最后嗰段时间。”
