明报：方力申演奸角被女友泼冷水指太Chok 称拍拖浪漫结婚现实
方力申转型演员多年，于TVB剧《逆天奇案2》饰演奸角，打破以往角色框框，却被女友叶萱（Maple）泼冷水嫌演得太Chok，他说：“我唔认，不过佢平时见到我成个大细路，剧中见到我个样都当喜剧咁睇！”
方力申与传绯闻的冯盈盈有多场对手戏，方力申表示绯闻在开拍前一早传完，还亲解传绯闻的原因，一切皆因高层乐易玲，他说：“原因是乐小姐有次见我哋都穿牛仔褛，觉得好衬叫我哋影合照，完全係乐小姐策划绯闻，之后都係乐小姐爆大家嚟我屋企食饭，盈盈都有嚟….我就成日都传（绯闻），男人冇所谓，女仔传少啲比较好。”问经常传绯闻是否已百毒不侵？他笑言：“唔係，係侵到腐烂咗！仲可以点呢？”
剧中他演的角色不相信爱情及婚姻，但现实相反，他说：“我相信爱情，不过婚姻好似好难相信，好多人离婚，好彩父母婚姻好完整，我都希望相信婚姻，两个人拍拖容易，原来要去到另一阶段，要有好多嘢去倾，我哋仲未仔细去倾，听朋友讲倾生唔生、边个凑，已经很複杂，我觉得只是拍拖年几，係咪要倾到咁深入呢？况且结婚唔係你话结，人哋就同你结，拍拖就浪漫，但讲到结婚就好现实，我觉得顺其自然啦！”
方力申表示7年前推出歌曲后，没想过能重新再投入歌手工作，6月将回归乐坛重拾歌手身分，于内地举行首次个人音乐会，他说：“以前好多顾虑，一直都冇做过售票音乐会，𠵱家兴集体回忆，我觉得可以畀心机做，练返以前嘅歌。”方力申很多受欢迎的歌曲都和旧爱邓丽欣（Stephy）合唱，练歌时又可有勾起旧情，并邀对方任嘉宾？他不愿多谈：“唔好讲呢啲！好多合唱歌都可以独唱，我亦都可以同现场观众一齐唱，加上有字幕，冇问题嘅。”
