星岛：香港婚后事丨陈自瑶谈出轨有感而发？
大爆有人专向有妇之夫埋手：有啲人道德观念好弱
昨晚（10日）播出的《香港婚后事》继续有单立文与太太胡蓓蔚受访，谈到已婚人士看待出轨，一众主持陈自瑶（Yoyo）、赖慰玲、黎诺懿及罗天宇都有不少意见。多次被传老公王浩信出轨而婚变的陈自瑶，更语出惊人表示有人专向有妇之夫或有夫之妇埋手。
立文与太太胡蓓蔚于2008年结婚，一直二人世界，单立文被问到曾否想过出轨，被胡蓓蔚抢答：“我老公成日话出去媾女嘥钱，留返买嘢畀自己好过。”单立文又表示：“如果你（结婚时）立咗誓，同佢讲过我爱你一生一世，如果你做唔到嘅话，你根本就唔係男人，係咪呀？”尽展Man爆一面。
单立文寸爆罗天宇？
罗天宇身为在场唯人未婚者，被单立文追问为何一直未婚，更笑指：“係咪真係搵唔到，拣拣拣……要拣好多，要喺TVB逐个拣？即係艺员部……”即引来陈自瑶与赖慰玲爆笑。罗天宇即无奈不语，最后仅表示想结婚，但一直找不到合适的对象。
有人专攻已婚人士？
黎诺懿直言的确曾遇过女士想接近他，陈自瑶亦分享：“有好多狂蜂浪蝶，佢唔会理你係咪结咗婚，或者有啲人道德观念好弱。”胡蓓蔚好奇一问：“有呢啲人㗎咩？”陈自瑶指：“有，好多！”单立文研究这些人的心态，推测可能因为有份征服感，陈自瑶表示：“可能有啲女人或者男人会有呢种谂法挂。”
单立文批评这种心态近乎变态：“你明知人哋两公婆係好嘅，就走埋去勾人老公。”但他亦认为“一隻手掌拍唔响”，出轨并非一个人可以完成的事。
