明报：陈自瑶开腔谈离婚 罗天宇单亲家庭长大 自嘲似白老鼠
陈自瑶（Yoyo）、赖慰玲（Winki）、黎诺懿及罗天宇主持的《香港婚后事》，今晚（17日）新一集请来龚慈恩探讨“离婚”及分享对夫妇离异的见解。她说︰“冰封三呎，非一日之寒，比较传统啲嘅女性，仔女係佔咗佢生活一大部分，佢可能喺某一段时间係完全忽略咗自己，将啲时间、精神、责任摆晒喺仔女身上，到某一日突然间醒咗，佢会意识要有自己人生，咁会令到有番咁上下年纪嘅人有离婚嘅意识。”
Yoyo则认为：“一段关係係双方付出，可能你好想为小朋友保持一个美满家庭，但可能对方唔想，可能佢个心已经走咗，你死𢱑都冇办法，有啲嘢唔係一个人可以做到，呢啲情况就冇得选择。”
诺懿称香港每年约有过万宗离婚个案，离婚手续亦日渐简化。Winki认为离婚变得流行：“大家觉得离婚冇咁大件事，婚姻如果出现咗问题，然后咪离婚囉，唔去解决。近来香港出现移民潮，唔少夫妇因移民衍生嘅问题而闹离婚。”龚慈恩被问到如找到适合的人会否考虑再婚时坦言：“会，我觉得现阶段係需要个伴多啲，再唔再婚係另一个问题，但我唔抗拒。”
单亲家庭长大的天宇仍然相信爱情，希望将来可以给小朋友一个完整家庭。天宇有一位同母异父的弟弟胡㻗，两兄弟感情要好，天宇自言似“白老鼠”：“我妈觉得呢个方式教仔唔係好掂，下个就会试用另一个方式，调整吓再做个好啲嘅出嚟。”
他透露年轻时像受保护动物，妈妈对他管教非常严格，放学后也不准外出打篮球。天宇笑言：“我好嬲呢样嘢，我同细佬係唔同爸爸，我爸爸高过细佬爸爸，但我细佬高过我半个头，点解释吖？真係好嬲呀！龚姐个仔咁高，都係因为打篮球，我细佬去到中学时期，我妈叫佢打多啲篮球，唔好似阿哥，细佬係成功嘅实验品。”
诺懿在节目中指导天宇煎牛扒，称只需利用一样神秘酱料便能将几十元的牛扒煎成贵价口感。Winki试吃完后分不清哪一块才是贵价牛排，诺懿说：“只要搽一搽隻酱料再拎去煎，就做到一块去扒房先食到嘅香浓牛味道！”
Winki亦分享了在职妈妈的辛酸，她眼湿湿地表示两次在启德邮轮码头拍剧时，儿子也入院，令她对启德邮轮码头有阴影。
