明报：57岁张凤妮息影28年 复出演机心二房 感激罗子溢带入戏
TVB剧集《家族荣耀之继承者》昨晚（16日）播出第4集，丘智斌（罗子溢饰）被揭是守义（罗嘉良饰）二房太太邵家碧（张凤妮饰）的亲生儿子，当年守义为争夺家族话事权，才将刚出生的智斌与守义正室戴绮婷（余安安饰）诞下的芷岚（梁靖琪饰）调包。
智斌意外得悉真相后大为震撼，将在今晚的新一集里主动与家碧相认，家碧激动流泪。两人在佛堂拜祖先时，家碧哽咽诉说不堪回首的过去，但见到儿子如此生性时又喜极而泣。张凤妮演绎出两种层次的喊戏，获观众讚好演技。
张凤妮1996年离开无綫，28年后因总监制梁家树邀请而复出，与罗嘉良继《天地男儿》后再合作。今年57岁的她获不少网民称讚保养得宜、女人味十足，演豪门少奶入型入格。
张凤妮表示开拍前为鑽研角色看了3次剧本︰“呢个角色好大挑战，我先会接拍。我做得好足工夫，但未做到最好。初初睇剧本，头两次係当故仔咁睇，去了解角色头段、中段同结局嘅分别，之后再每场写低应该点做，尽量唔想做到咁乞人憎，所以我对3个小朋友（梁靖琪、陈滢、罗子溢）都一视同仁，希望令角色有少少可怜嘅感觉。呢个角色对我嚟讲非常高难度，我仲未能够做到最好，希望观众睇咗之后畀啲意见我。”
她回忆初入剧组时状态不太好，感谢罗子溢带她入戏。张凤妮说︰“我初初入组时，好多场都唔係好入戏，好彩唔係重头戏，係子溢带到我。最难忘嗰场係我带佢拜我已过身嘅父母，嗰场戏主要係我讲对白，不过佢畀我嘅反应係开始眼红、热泪盈眶，然后捉住我隻手，呢啲畀到我好足嘅戏，我可以跟住佢嘅情绪做反应，到佢叫我阿妈时，我就有眼泪流出嚟。呢场戏好似第4、5日拍，我拍完就好似开咗窍咁，个人安心咗，啲戏之后都做得放咗，因为知道子溢可以带到我戏。”
