星岛：张驰豪自嘲舞台演出太废挑战跳唱歌 辛苦操靓Body做肌肉系男歌手
张驰豪（Aska）首次推出跳唱歌《Dirty Rhythm》，这是他去年给自己的挑战，既要创作快歌，又要跳舞兼操肌，虽然过程艰苦，但成就解锁令他对未来表演更有信心，还计划于本月18日跟林智乐和潘静文开骚时展现努力成果。另外，他预告跟全球先生亚军的细佬张驰杰，齐爆肌拍节目，各位“睇肉家”要留意。
採访：杜杜 摄影：谭志光 场地:Mira Place
Aska向来爱挑战自己，故以写快歌、跳舞和操肌作考验，“跳舞係件好型嘅事，係呢行需要嘅技能，就算唔係跳得好好，喺舞台上都应该有个律动，表演先会投入好睇，以前自己太废，想做得更好。”3项挑战中，他认为写歌较轻鬆，“写快歌有个好处就係有beat，听落觉得精神想郁，比写慢歌free好多。”
同细佬拍节目当旅行
Aska认为跳舞是最困难一环，花了最多时间同心机准备，不过上完第1堂，令他有少少后悔，“由开始学到拍MV大概1个月，上咗5堂，第1堂排舞师跳副歌部份畀我睇，开头觉得好型，但谂到要自己做就弊，係咪开大咗个头？！真係好惊，哈哈！”他疯狂练习后再上第2堂，先开始有信心，“我跳完一次副歌，排舞师讲‘都真係有返去练喎’，係打咗支强心针，证明嗰段时间发梦都见到隻舞係有用，呃到吓人。”
大学读运动生理学兼拥健身教练牌的Aska，操肌不难，但执行就好痛苦，“拍MV前得返12日，虽然只係减5、6磅，但每日要重训，餐餐食番薯，鸡肉同西兰花或者菠菜，饮水都要调节，拍前要脱水再食返啲碳水化合物，等啲肌肉胀返。”
他已计划在18日的演唱会将努力成果呈现出来，还打算长Keep这副好身材，更透露将会同细佬拍节目齐骚肌，“一齐拍《自然系男子旅行》，会浸温泉，以前都係一家人去旅行，未试过淨係同细佬去，都几正。”
