星岛：香港婚后事丨陈自瑶罕谈离婚！
与王浩信传婚变多年：格硬死搲都冇办法
由陈自瑶、赖慰玲、黎诺懿及罗天宇主持的TVB节目《香港婚后事》，逢周四及周五晚上于翡翠台播出。今晚（17日）播出的第8集，请来曾有两段婚姻的龚慈恩作嘉宾，探讨“离婚”议题。
龚慈恩在节目中分享对夫妇离异的见解：“冰封三呎，非一日之寒，比较传统啲嘅女性，仔女係佔咗佢（生活）一大部分，佢可能喺某一段时间係完全忽略咗自己，将啲时间、精神、责任摆晒喺仔女身上，到某一日突然间醒咗，佢会意识要有自己人生，咁会令到有番咁上下年纪嘅人有离婚嘅意识。”
近年与王浩信多次传婚变的陈自瑶则认为：“一段关係係双方（付出），可能你好想为小朋友保持一个美满家庭，但可能对方唔想，可能佢个心已经走咗，你格硬死搲都冇办法，有啲嘢唔係一个人可以做到，呢啲情况就冇得选择。”
龚慈恩不抗拒再婚
黎诺懿又分享指香港每年约有过万宗离婚个案，而离婚手续亦日渐简化，对此赖慰玲认为“离婚”变得流行：“大家觉得（离婚）冇咁大件事，即係两个人婚姻（如果）出现咗问题，然后就（咪）离婚囉，唔去解决。”
赖慰玲续指近来香港出现移民潮，不少夫妇亦因移民衍生的问题而闹离婚。至于问到龚慈恩找到适合的人会否考虑再婚？龚慈恩坦言：“会嘅，我觉得现阶段係需要伴多啲，再唔再婚係另一个问题，但我唔抗拒。”
罗天宇嬲细佬高半个头
单亲家庭长大的罗天宇坦言仍然相信爱情，希望将来可以给小朋友一个完整家庭。罗天宇有一位同母异父的弟弟胡㻗，两兄弟感情要好，罗天宇笑言自己就像“白老鼠”：“我妈觉得呢个方式教仔唔係好掂，下个就会试用另一个方式，调整吓再做个好啲嘅出嚟。”
罗天宇透露年轻时就像受保护动物，妈妈对他管教非常严格，就连放学后都不准出街打篮球，他笑言：“我好嬲呢样嘢，我同细佬係唔同爸爸，我爸爸高过细佬爸爸，但我细佬高过我半个头，点解释吖？真係好嬲呀！龚慈恩个仔咁高，都係因为打篮球，我细佬去到中学时期，我妈叫佢打多啲篮球，唔好似阿哥，细佬係成功嘅实验品。”
黎诺懿今集化身“教煮”指导罗天宇煎牛扒，只需利用一样神秘酱料，便能将几十元的牛扒煎成贵价口感，赖慰玲试吃完后果真傻傻分不清哪一块才是贵价牛排，黎诺懿说：“只要搽一搽（该酱料）啫，再拎去煎，就做到一块去扒房先食到嘅香浓牛味道！”究竟神秘酱料是甚麽？节目自有分晓。
此外 赖慰玲还分享了在职妈妈的辛酸，更讲到眼湿湿，她大爆两次在启德邮轮码头拍剧时，仔仔皆因故入医院，不禁令她对启德邮轮码头有阴影！
