星岛：20岁林智乐自爆失声经历吓餐死 感激牛仔布达人林德信仗义拍MV
林智乐（Felix）新歌《年轮海》以成长为主题，较以往作品有更多想法，MV在牛仔布洗水厂取景，扮演时装设计师的他尝试制作牛仔服装过程。他希望推出每首歌都能延续话题性，还化身画家跟两名艺术家一同创作画作。
採访：杜杜 摄影：谭志光 场地:Mira Place
Felix因为拿了新人奖，做歌可以更放鬆，“依家出咗大海，浮吓先，今年係尝试嘅一年，试多啲唔同曲风。”而请到Cousin Fung作曲就全靠坤哥，“喺叱吒后台同经理人倾想搵佢，经理人就带我去搵坤哥（吴业坤），坤哥9秒9开咗电话录语音功能，我讲咗想点， 隔咗一排就收到Cousin嘅两首Demo，拣咗比较小品啲嘅《年轮海》。”
全靠针灸救声
不过Felix录歌前一度失声，搞到要重录，“录音时我把声係最差，其实新城颁奖礼前一晚，已经中咗流感，食药揿住仲上到台唱，但一落台半个钟就失晒声。”不过20岁的他自恃后生，一直冇睇医生，加上去澳门拍《声梦1＋2》丧嗌几日，返港就出事，“连续录咗3次，听返自己都过唔到，同经理人讲前后唔好安排工作，加做针灸，先完成到首歌。”由于他本月18日会跟张驰豪和潘静文开骚，他已积极做针灸和跑步，希望以最佳状态演出。
为配合《年轮海》主题，MV在牛仔布洗水厂取景，Felix解释：“讲成长就好似牛仔布嘅制作过程一样，有好多历练，仲搵咗牛仔布达人林德信做彩蛋，佢好Nice，希望下次同佢有音乐上嘅合作！”Felix又跟两名艺术家举行以《年轮海》为主题的画展，“做计划书时用AI设计咗幅画，咁不如再搵艺术家合作，将呢幅画再加啲创作，变成11幅唔同嘅画仲搞埋展览，係好难得嘅创作经验。”
