晴报：冯盈盈否认为嫁豪门进修硕士 望成出色女性：提升修为最重要
冯盈盈近在社交平台拍片分享自己的读书心得，态度斯文淡定而且充满正能量，跟多年前《#后生仔倾吓偈》多嘴兼言论出位的她截然不同，不少网民估计她要嫁入豪门修心养性，亦有人认为她被公司雪藏后变乖。面对多方面的揣测，盈盈开腔称一切改变源自于初衷。
冯盈盈近年无论在演戏或是待人处事上，都有很大的转变，引起网民们无限幻想，猜测到底她受到甚麽刺激。其实盈盈为演好角色，特别自掏腰包花钱去学戏剧演出，亦学习咬字发音，无论是早前的《你不是她》还是最近的《逆天奇案2》都有不少进步，观众和网友们亦有目共睹。
“入行已经第八年，呢段时间绝对有所成长，无论主角定配角，对我嚟讲冇分别，最紧要感染到观众。大家都知，主持界係我嘅舒适区，但做人唔能够永远做舒适安稳嘅事，演戏一直好有挑战性，所以我有搵方法拜师下苦功。至于好多人问以前大癫大肺个冯盈盈去咗边呢？其实同我熟络嘅家人同朋友都知，私底下我说话真係唔多，同镜头前反差好大，係近年心态上放鬆咗，又有足够自信去表现自己，将大家睇唔到嘅一面展示出嚟。”
盈盈积极自我增值，半工读完成硕士学位，又完成特许金融分析师CFA的课程，反被猜测是为入豪门而铺路，“麦玲玲讲过入豪门要有硕士学历，但唔等于读完硕士就可以入豪门，如果係真，就周围都豪门啦！当初突然决定去进修，真係为咗圆心愿，当年选美报名嘅时候，我已经报读咗英国大学读硕士，但机缘巧合加入娱乐圈，读书就先搁置。好多人觉得半工读好辛苦，我啱啱相反，读书係好放鬆抒压。
”30岁来临之前，盈盈完成硕士课程成为人生一个里程碑，至于人生的下一步，盈盈否认结婚，“关于寻找爱情方面，我已经有想法，未来两年绝对唔会拍拖，就算任何追求者或合适对象都唔会发展，想畀时间畀自己成长，唔怕迟，两年后顺利拍拖的话，35岁前生育仲唔使做高龄产妇，冇问题！（唔羡慕麦明诗？）佢今年都33岁啦，搵到爱佢嘅人，又拥有自己事业，绝对係完美幸福嘅时间，我觉得自己太早结婚未必好事，慢慢规划啦！”
盈盈在IG拍片主动分享读书心得，她坦言起初担心跟艺人身分不太关联，没想到最终获得不少正面回应，特别是家长们知道如何教小朋友去读书，“初心係自己都係学生，只係将学到嘅嘢同大家分享，特别係自我成长、时间管理等等，令自己心灵上更加正面同积极。我觉得而家社会嘅女性，无论咩年龄、咩人生阶段都好，只要明白内在美最重要，并且愿意提升自己修练同修为，都会成为一位出色嘅女性！”
