明报：伍允龙曾幻想被成龙打一鎚 跟林峯因拍戏成好兄弟
伍允龙（Philip）在电影《九龙城寨之围城》中演活大反派“王九”而人气急升，他日前（21日）到新城广播接受《QK玉瑛室》主持谭玉瑛、何基佑及麦皓儿访问，Philip带同由美国返港的妈妈现身，顺道带妈妈参观电台，母子感情深厚。
跟Philip认识10多年的何基佑，透露好友因电影《九龙城寨之围城》热潮忙得不可开交，何基佑问他忙得天昏地暗有何感受？Philip表示：“我同城寨都好有缘分，我之前拍过电视剧《城寨英雄》，反应好好。今次拍电影又好好，真係好快感觉到个分别，个分别就係好多人搵我，感谢主，好开心，虽然要兼顾好多唔同嘅嘢，但做艺人都係想咁样啫。”
Philip在7岁跟家人移民美国，爸爸在当地开武馆，他自细接触功夫，但真正深入研究功夫是13岁，Philip说：“当年我畀外籍小朋友一拳打落心口，打到瞓喺度，嗰时觉得自己练功夫咁多年，点解会唔打得？原来细个学功夫比较皮毛，之后我就开始深入研究中国搏击，利用呢个技术保护自己。”没想到为自己铺下入行做动作演员和导演机会。
Philip指外国人很喜欢看功夫片，觉得成龙很有型，所以他小时候曾幻想：“如果有日可以喺银幕上打功夫就好喇，不过都係谂下，唔敢太认真；嗰时喺美国冇乜娱乐，屋企人会租录影带返屋企睇，好记得我睇到《醉拳》盒带花晒，嗰部戏影响我最深，成日会谂‘如果有机会喺香港畀成龙打一鎚就好喇’!”
视成龙为动作片偶像的Philip，每次拍动作片必定硬桥硬马真功夫，他大爆拍《九龙城寨之围城》与林峯拍追打戏分时，曾弄伤大髀，他说：“嗰日拍我喺城寨冷巷跑嚟跑去，我跳过3级楼梯，一落地听到‘卟’一声，原来大髀肌肉撕裂咗，最后休息1星期，但一返去拍果栏追林峯戏分，拍咗成晚又伤过。”
Philip和林峯为电影同样是拚命三郎，更因为这部电影而成为好兄弟，他说：“我同阿峯识咗好多年，但未正式合作过，今次就同佢变咗兄弟，拍呢类型戏同打一场仗冇分别，一齐经过咁辛苦经验，一cut机就好照顾对方，变成战友。”
