明报：神耆小子｜吴子冲半裸爬窗走佬 做「除衫担当」冇啖好食
TVB剧《神耆小子》昨晚（23日）播出一集，其中一个焦点，非饰演Jack的吴子冲莫属。剧情讲到小鲜肉Jack在打风期间上玫瑰（樊亦敏饰）屋企陪她，此时大海突然回家，吓到Jack爬窗落荒而逃。半裸上阵拍摄这场走佬戏的子冲，除了爆肌身材吸睛，狼狈走佬的样子亦搞笑。
讲到爬窗走佬戏，子冲透露前后拍了4天，他说：「拍嘅时候系夏天，拍外景淋雨戏冇问题，但拍厂嘅时候就好冻，一边淋水再加冷气，虽然同事準备左大量毛巾保暖，但我唔想拍每个shot都要抹身，又要淋番湿个身咁多步骤麻烦到同事，情愿Cut机后原地跳做运动保暖。」
子冲指动作戏不算太难，只是基本攀爬动作，又谓难忘幕后同事的「特别」照顾：「拍外景嘅时候，幕后同事玩水玩得好开心，為左想我演绎出难堪嘅感觉，佢的keep住射我块面，佢的见我愈难堪，佢的就愈开心，因為中左！」
身為剧中「除衫担当」的子冲， 笑言角色最大难度就是保持身形：「除左要除衫，角色设定上都系高大有肌肉阳光男孩，但冇乜时间做準备，我羊招都攞晒出嚟，拣左『168断食』再加高蛋白质Diet，再日日做Gym！」
提到与樊亦敏有不少对手戏，子冲笑言：「好似多左个家姐咁，佢好照顾我，除左成日请食宵夜外，仲成日同我研究剧本。虽然今次系第一次同佢合作，但觉得佢系温文尔雅、好识得照顾人嘅好前辈！」
