一提黄心颖即落闸 黄心美：唔想你哋对待佢好似呼吸都错 | 香港01
陈俞希、黄心美、刘明轩、孙慧雪主持ViuTV新节目《美丽四十路》，心美接受访问时，笑指当初监制搵佢时，曾误以为对方係搵佢做参赛者。“佢搵时係爸爸走咗，嗰时手袖长期都係鼻涕同眼泪，好需要啲嘢令自己分散注意力。”
问到会否担心公布主持人选后，会引来争议，陈俞希即时帮口，话节目有4位主持，大家可以分担，而自己亦乐意做美心背后强大嘅后盾。而心美亦话唔担心，并谓自己都再生活同工作，又反问记者会有咩负面评价。陈俞希再帮手解围，指参赛者十分有水准，所以有信心大家摆啱焦点。
黄心美指事前有同妹妹黄心颖沟通，并谓：“爸爸走咗之后，我做过一个专访，已经讲晒我想讲嘅嘢，我以后都唔会再答关係任何我妹嘅嘢，就算咩都好，我唔想再答啦。我move on，希望你哋都move on，我知佢做错，但唔想你哋对待佢好似呼吸都错，我真係唔答㗎啦。”
另外，提到旧爱马桂峰与Kayan9896恋情，心美表示已经无同对方联络，但依然会送上祝福，亦希望对方会开心同幸福，而自己目前单身，对于爱情十分随缘。
