星岛：冼靖峰珍惜郑则仕教导忆离世祖父 感激前辈公开讚有天份又勤力
冼靖峰（Archie）在《神耆小子》首次孭重飞演出，遇着影帝级前辈郑则仕（Kent哥）令他压力倍增。Kent哥在本报访问时公开大讚他有天份又勤力，他感激之馀，亦庆幸 Kent哥亲切又肯帮后辈，令他想起已过世爷爷的教导。
採访：杜杜 摄影：朱伟彦 髮型:Hugo Poon 化妆:King Yip 服装:FACETASM、MM6 Maison Margiela、Harvey Nichols HK
Archie继《青春本我》和内地剧《恋恋红尘》后，《神耆》是第3次拍剧已戏份极重，与Kent哥有大量对手戏，虽然压力超大，但亦知机会难得，“未拍前台前幕后同我讲好幸运，可能拍20年戏都未必拍到咁好嘅前辈，遇到会成长得好快，要好好把握机会，得到嘅嘢係无价，仲有阿萧（萧正楠）、阿廉（曹永廉）同Amy姐（樊亦敏）都教咗我好多嘢，真係好感恩。”
成功演出失控爆喊
对于Kent哥在本报访问公开大讚有天份又勤力，还给75分以上，Archie感激前辈讚赏。Kent哥力讚他能在半小时内，调整重头戏演出，他坦认当时比考公开试或《亚洲超星团》学跳舞更难，“我唔知呢场戏咁重要，有机会拖垮其他人，知道后压力顶点係点可以喺放饭半个钟，消化到Kent哥调整咗嘅嘢，係咁催眠自己‘顶到就会进步，唔可以衰’。”
最终他在Kent哥引导下1 take过完成，但拍完即情绪失控，“睇返playback，听到Kent哥话‘几好’，我踎咗喺地下喊咗20、30分钟，第1次好似畀人挖空咗个心，好有成功感，多谢Kent哥扶持同个天，畀我顺利完成。”
谈到跟Kent哥私底下相处，Archie形容跟剧中关係差不多，还多份亲切感，“佢讲嘢语气甚至样貌神情，有少少似我过身嘅爷爷，好似爷爷同我一齐做嘢咁，爷爷教我好多大智慧说话，仲未明但会记住，Kent哥一样，第1日开工同我讲每句说话，唔係全部都明，会放喺心慢慢领悟。”
他跟Kent哥相处点滴也有跟爸爸分享，“爹哋听见都眼湿湿，要搵次带爹哋见吓Kent哥。”
