星岛：张松枝常被15岁囝囝取笑：又做茄喱啡
唔介意《九龙城寨》戏份被删参与已开心
张松枝有份演出的电影《九龙城寨之围城》和《查无此人》同时上映，虽然戏份都不算多，但有份参与已很开心。57岁松枝有个15岁已有180cm高的囝囝，相处如朋友，亲子活动是由囝囝提供自制试卷考他，又会经常取笑老窦：“又做茄喱啡！”，父子关係好Funny。採访：杜杜
2024年只过了半年，张松枝已有4套作品推出，包括早前上映的《盗月者》和《临时劫案》，虽然每套戏份不多，但他已相当满足，“做咗咁耐识得多人，帮吓手都好开心。”
《九龙城寨》成绩骄人，截稿前港澳票房突破8000万港元，有3场戏被cut剩1场的松枝与有荣焉，更开心首度跟洪金宝合作，“有场同警察部一班外籍上司开会，佢哋向我施压要收返城寨，另一场就係请‘龙捲风’（古天乐）去差馆倾，有啲敏感cut咗，但有机会同洪金宝大哥合作，都算留咗喺自己纪录裹面。”
另外，接《查》戏更为帮后辈，“帮到几多得几多，冇新人我之后都冇得做，淨係一班老鬼，观众会睇到闷！”
囝囝冇兴趣做演员
松枝一家都很锺意《九龙城寨》，连平日睇开超级英雄片的囝囝，都派任务给他，“佢叫我攞海报畀晒演员签名，交咗功课啦！”松枝笑言读中三的囝囝有舖瘾，就是喜欢自制试卷畀老窦做，“全部科佢做定晒喺电脑，见我得閒就畀我做，我唔识佢会同我上堂，用白板同我讲解，佢要话畀我知，读书几惨、几辛苦。”
他透露囝囝外形不俗，但完全冇兴趣做幕前，“可能我同太太都几高，所以佢唔太锺意运动，都高过我有180cm，个样都似我，佢唔睇电视，电影都係我捉佢去睇，想读经济。”他跟囝囝似朋友相处，所以经常被寸，“佢乜都同我讲，仲会成日笑我‘套套戏都咁，出一出咋！又做茄喱啡！’。”
