罗子溢新剧演得太奸出街俾人闹 被问续集：可能我喺套剧已经死咗
罗子溢（29日）现身电视城出席《金式森林》造型暨拜神，并在台上分享新角色主要是争夺家产为主题。罗子溢接受《香港01》访问表示：“今次我唔係局中人，係局外人，今次争家产係本身我帮佢哋管理家产，但有机会嘅时候就有个贪念，係咪可以据为己有？”
讲到新剧角色会否有感情线，他笑言：“就係银纸，佢成日嘅对白就係咁，因为佢经历咗情伤，原来个角色当你冇地位冇钱嘅时候，你连最锺意嘅女人都会俾人抢走。”
被问到有否看到老婆杨茜尧日前加入林峯与佘诗曼宣传剧集《家族荣耀之继承者》直播，间接看到他在剧集当中与另外一位女演员激吻的场面，一度嬲爆表示下令跪玻璃一事，他表示：“跪玻璃，我有睇到。（话会俾仔女睇段片段）佢讲嘅啫，佢都唔会俾个仔女睇。”讲到早前透露佘诗曼有可能与老婆杨茜尧拍摄续集，他表示：“咁多年好多都观众都想睇佢哋再一齐合作，呢个都係帮大家讲嘅一个愿望。”
至于两夫妻同时要拍剧，是否会影响照顾小朋友，他坦言：“呢个都係一个问题，到时候可能要拜託啲老人家帮帮手，要安排佢哋衣食住行係最麻烦，未必可能到时冇我，可能我喺套剧已经死咗。”
他透露在《家族荣耀之继承者》演出奸角出街会俾人闹，并表示：“我唔够胆打开啲观众嘅留言，因为惊佘诗曼嘅Fans，我喺套戏又玩弄感情，变咗渣男，都有少少满足。”
