《神耆小子》今晚大结局 罗毓仪首演奸角 与郑则士对峙超紧张
TVB剧集《神耆小子》今晚（31日）大结局，昨晚（30日）一集讲述大海（郑则士，Kent饰）入院做手术，事前将公司交给孙女多多（罗毓仪，Yuki饰）管理。暂代CEO的多多接手钱万世后动作多多，竟趁着大海做手术期间改掉公司签名，又迫老臣子佳叔（陈荣峻饰）放假。
做完手术的大海捱过危险期顺利出院，回到公司及钱家后却惊觉大变天！多多不再隐藏，向大海等人摊牌，她扬言要搞冧钱万世︰“其实我8岁嗰年就知自己唔係你亲生孙女，我一直对你咁乖咁听话就係等一个机会，放长线钓大海！点呀？执咗隻唔识报恩嘅流浪猫返嚟，仲要畀佢反咬一啖，痛呀？不过我都係跟你学嘢㗎咋，喺你心入面亲情根本不值一提，我学得似呀？”大海一时难以置信。
有“御用学生妹”之称的罗毓仪入行5年多演乖乖女角色，今次首度挑战奸角令人眼前一亮。她说︰“呢个角色真係超级好玩！我第一次做会黑化嘅角色，都怕自己拿捏唔到个变化，所以前期做咗好多功课，分析角色嘅背景、性格同心理变化，了解多多黑化嘅原因同动机，之后请屋企人帮手，特别係阿妹同我对戏。Kent哥係大前辈有番咁上下气场，要同佢对峙，气场一定唔可以低，但我不嬲畀人甜妹感觉，简单啲讲即係唔够霸气。我拍呢场戏嘅时候冇压力就係假嘅，但我尽量放鬆同信任对手。”
今晚大结局，玫瑰（樊亦敏饰）和小鲜肉阿Jack（吴子冲饰）的真正关係将揭晓。向来专制横蛮的大海被多多夺权后，终于反省自己一直以来的过错，决定鼓起勇气补救与儿子继来（曹永廉饰）的关係，更以身犯险救回金叵罗赢回玫瑰芳心。阿勇（萧正楠饰）和有方（傅嘉莉饰）几经磨难才重修旧好，阿勇亦买了戒指决定向有方求婚，怎料前往求婚途中发生意外，有方吓到失声痛哭。黑化的多多坏事做尽，罗毓仪对她的下场大卖关子：“多多黑化背后係有一场更大嘅计划，大家睇埋大结局就会知道。”
