明报：刘威煌事业曾跌入谷底 参加《中年好声音2》被太太反对
45岁刘威煌2009年参加首辑《超级巨声》入行，2017年一度因生计放弃歌手梦，去年年底他相隔15年再战歌唱真人骚《中年好声音2》，他时隔多年自资出新歌《普通人》。刘威煌接受商台《星光背后》访问，分享15来由“威煌队长”广为人识，到饱受网络欺侮被封为“常威”或“亿万驸马”，事业跌入谷底的心路历程。谈及再参赛及再出歌的野心，他直言 :“再想红呢啲已经係好傻，真係好纯粹想有一个舞台。”
出道前，刘威煌人如其歌《普通人》，曾经当了10年打工仔，月入达二至三万，后来放弃稳定入息签约TVB放手一搏，他说：“本身做咗十年印刷sales，返五日工，礼拜六、日参加一啲小型唱歌比赛，慢慢都有啲fans，偶然之下有fans自己帮我报咗《巨声》。入行之后其实冇乜计划，当时机会比较多，《巨声》有演唱会，有得出歌，又有annual dinner，觉得收入同之前份工差唔多，金额算满意，可以话有发过明星梦。”及至刘威煌2015年提早解约，只演过两齣剧及唱过两首剧集主题曲，他承认当年曾羡慕战友许廷铿，“当时我係有眼红有羡慕，点解人地咁犀利？但自己亦有责任，因为我係门外汉，公司话点就点，直情响屋企等运到，但当时工作好密，无想过后续。”
除了之后《巨声》二、三帮后浪推前浪影响，刘威煌2010年发表“实力股”言论，被指暗寸罗力威饱受网民围攻令事业大受影响，其后更被网民冠以周星驰电影反派角色“常威”作花名，令他饱受困扰。谈及当年失言，他说：“实力股事件係最先遇到嘅打击，係公关灾难，识我嘅人就会知我无恶意，我同罗力威后尾都係friend嚟㗎。我无谂过撑A变了攻击B，证明自己当时好幼嫩。”至于被指貌似“常威”邹兆龙，近年他才不介怀，“嗰阵对我係几大打击。俾人叫‘常威’好嬲㗎，因为係反派角色，代入咗‘衰人’两个字，好想为自己平反！后来先知好正喎，个个都记得我，同古卓汶比赛都直接叫我‘常威’，哈！以前反驳係好傻，嗰阵我真係唔识网络嘅运作。”
不过，对于另一网民封号“亿万驸马”，刘威煌指到今天仍介意，他亦没想过2014年公开与交往7年的太太Sandy结婚后，爱妻会被人起底，“到而家都介意‘亿万驸马’呢个名，叫我‘常威’仲好，因为唔係事实呀嘛，介意係因为老婆背景唔係网上所说咁劲，係好困扰我哋两个，因为事件涉及很多人，包括老婆同我的两个家庭，如果我食软饭，亦唔使工作。”节目中，刘威煌感谢妻子由拍拖到结婚至今18年，一直全心全意待他，包容他硬颈性格，当年《巨声》时代，太太曾反对他辞工入行，原来去年再战《中年好声音2》，太太也一度反对，“佢第一时间反对，惊大家都再受打击，首先有好多旧事畀人重提，其次大家还会不会接受我？参加目的又係乜？我话畀佢知我只係锺意唱歌啫，身边好多朋友支持我再试，我叫佢唔使担心，我唔係想去再红再做返歌手，随心去做努力做，唔好谂会带畀你啲乜。”刘威煌指林夕为他写《普通人》的歌词，正正代表他的心声。
