冼靖峰话拍BL剧预老友做CP 丁子朗：如果佢唔拣我，我嬲㗎
去年TVB举办选秀节目《亚洲超星团》，派出丁子朗（丁丁）、冼靖峰（Archie）、黄奕斌（大Hugo）、文佐匡（Sean）及黄星绰（细Hugo）五位猛将参赛，虽然只有三位成功加入男团“Loong 9”出道，不少网民都对未能入围的感到可惜，更指香港区的参赛者可以自组一队来表演。
昨日（2日）这五位猛将就组合成限定队伍现身维园表演，就现场所见，他们接近6时才正式表演，有粉丝表至自己一开门就来排队“霸靓位”。丁丁率先出场唱出《饿狼传说》，Archie就唱出《爱是永恆》，大Hugo就唱出《我们都是第一次做人》，Sean就唱出《告白汽球》，之后再五人合体唱出《初恋》及《小幸运》，不少现场观众都听得如痴如醉。
五位猛将接受《香港01》访问时被问到再次合体感觉如何时，丁丁表示十分开心：“佢哋之后都好忙㗎啦，以Loong 9嘅身份有见面会啦，喺见面之前都可以率先见咗佢哋先，我觉得好幸运啊！”细Hugo就觉得像回到比赛时：“好似返番去我哋嗰阵比赛咁啦，我哋又係呢班人啊，虽然今次唔係齐人，但有Hugo加入我哋演绎返《初恋》呢首歌，係一个非常好嘅体验。”
Archie突然“笑匠”上身表示除了《初恋》外，还有一首歌会唱：“啱啱丁子朗讲到话係好幸运啦，所以我哋就唱小幸运啦。”旁边的人对于他这个“冷笑话”防不胜防，纷纷大笑起来。突然间他们就开始“冷笑话放题”，大Hugo接著说：“喺呢个好幸运嘅时刻呢，我觉我哋每个人都好似隻饿狼。”
细Hugo被问到自节目《亚洲超星团》完结后曝光率比较低，他就说到：“间唔中都会有啲幕前嘅工作，但係我觉得喺得閒嘅时间最好就係装备自己，闭关修练，当有任何幕前嘅机会嘅时候先可以畀大家见到一个更好嘅我。”
Archie、大Hugo及Sean下星期即将举行见面会，他们被问到心情如何时，Sean表示不紧张：“比较期待啲，上一次已经取消咗一次，咁依家终于有得同大家见面，已经隔咗好耐时间，想快啲可以同大家见面。”大Hugo都觉得不会紧张：“其实我哋中间每个人每日都喺度练紧当时已经准备好嘅嗰啲表演啦。”
他已经积极准备见面会的表演。Archie则觉得著重的地方应该不是舞台上的表演，反而是与粉丝的接触：“齐晒12个人，今次应该係第一次见到大家，我觉得我会比较著重同fans之间嘅互动。”可以见到他相当宠粉。
Archie早前接受专访时提及到如果拍BL剧可以选对手时，会选丁丁做对手，丁丁被问到如果他真的邀请一起拍摄时，自己又愿不愿意时，他笑著说：“如果佢唔拣我，我嬲㗎！好彩佢拣咗我啫，係唔係即刻开啊套戏？”看来丁丁跟Archie的友好程度远比我们见的更好，二话不说要一起拍戏。丁丁更提及到自己已经回归到演员的身份：“啱啱已经拍完套剧，嚟紧会再开，所以有咁嘅机会凡接触唔同嘅戏剧，用超星团呢个身份同关係带去戏剧世界同佢哋一齐做有啲火花，我谂都会几好睇。”
而“前辈级”演员丁丁被问到会否传授经验予Archie时，他则表示不敢当但可以互相交流。Archie说：“我觉得大家交流吓啦，佢一定係我嘅大前辈啦，好早已经入行，佢经历咗好多唔同嘅嘢，亦都将佢嘅经历同知识传授畀我。”
他们被问到会否再合体时，他们都表示很乐意再次合体，因为他们都热爱表演，丁丁说：“我哋五位都係做好随时准则状态，一有人嚟搵我哋就即刻唱！”可以见到他们对表演算得上是热诚满满。细Hugo觉得每次一起工作都十分开心，亦希望之后可以多一点的机会一起工作，相信亦是不少粉丝心中所想。大Hugo则搞笑说：“你哋都讲到咁啦，唔通我话唔想咩。”他表示希望多一点合作机会，可以聚在一起打闹，Sean都是同样希望多一点合作。
