2024巴黎奥运｜刘颖镟做节目主持化身问题少女：会成日问问题
刘颖镟（Tiffany) （3/6）现身九龙湾出席邵氏超级网剧《执法者们》煞科慰劳宴。一向热爱运动的Tiffany透露即将为TVB节目《2024巴黎奥运》担任主持大感兴奋：“公司搵我做奥运主持可能平时都知我好锺意做运动，加上自己本身都好锺意追睇奥运，而今次为咗呢个节目，我係要做足晒功课去了解每一项嘅运动，令我上咗宝贵嘅一课。不过今次係好可惜冇咁嘅机会，去到当地做直播主持，因为係委派咗更加专业嘅主持去到现场採访，不过唔紧要，我会留喺厂度为大家做直播，我谂到时其他主持人都会觉得我会好烦，因为我会成日问问题，我会去问好多项目嘅细节位，希望可以尽地一铺问晒我想知嘅嘢。”
