孔德贤做司仪忽肚痛 台上标冷汗险失禁：好在揸得紧同肌肉好实
奥运之星孔德贤（Danny)今日（5/6）现身将军澳电视城出席全城瞩目体坛盛事《2024 巴黎奥运 尽在TVB》记者招待会。
提到日前为TVB筹款节目担任司仪做直播期间忽然搞肚痛，令Danny陷入危机当中：“呢次真係吸取咗个教训，当日我为咗做呢个节目，我係好急赶咁食咗碟饭，再加杯冻咖啡然后开工，嗰阵落到厂时都发觉个肚有啲唔舒服，嗰一刻係忍住忍住，而且开始标冷汗，我就问监制，个节目边一个时段我有休息时间，佢话完俾我知后，时间一到我就即刻跑去厕所解决。”
被问到不担心在台上大便失禁？Danny笑言：“其实又唔惊嘅，因为好在揸得好紧，同个肌肉好实，但喺台上係标晒冷汗，而且我係第一次块面青晒。如果当时真係忍唔住爆咗出嚟，我好相信成为经典。”
