为ViuTV拣12位鲜肉“仔仔” 王贤志︰今次好多drama好激！
ViuTV上月举行《ViuTV年中无休2024节目发布会》，当中王贤志（Vinci）担任制作人兼主持的男男真人骚《仔仔一堂》第二季《Boyscation Too》，竟由无綫搬到ViuTV播出，随即引起热论，不过网民却十分支持，认为节目在ViuTV播出更合适、尺度更大。
第二季将有12位新“仔仔”加入，除了香港亦有内地参加者，最小的只有20岁。Vinci王贤志Vinci︰“咁多年TVB、ATV、有线、Now都做过，唯独Viu开台咁耐都冇接触过，今次真係算破天荒和呕心沥血。呢次拍摄全部资金都係自己，亦亲自去搵赞助，的确因为Viu关係，搵参加者都刻意搵比较young，最后生只有20岁、廿几岁都有几个，他们这一代好主动好直接，锺意边个就会讲，今次竞争都几激！同上辑唔同，好多错综複杂的感情线，好多drama好激，drama并唔係要他们做戏，今次仍然没有剧本，不过，甚麽平台都好，都只希望接触到更多人，而且节目最后都可以在YouTube看到，所以甚麽平台都OK！”
第二季没有公开招募，Vinci继续亲自四出搵“仔仔”，他说：“自己搵，冇办法公开招募，虽然上次都算成功，但大家就更加忌讳，原来真係咁多人睇，而且我想搵嘅唔係要想做艺人要出名嗰啲，我要搵素人，因为如果有人想红，佢就会喺节目入面用好多方法出位，咁就冇咗节目本意！问咗几十人，今次不止有香港，更有内地参加者，但大前题要识讲广东话，要似香港节目，因为要翻译又冇咗个即时反应。”
今次Vinci继续担任主理人、监制和主持，“《仔仔一堂》迴响好大，世界各地都有好大正评，起初一些负评，都是大家怀疑节目内容，又有些夸张报道，节目出街百份之九十九都很支持，无论是gay或是直都有捧场客，节目访问了很多LGBT机构，好多信息。今次除了有这个形式外，亦加了一些新意，上次疫情之下拍摄，要留在香港，今次终于可以飞到峇里，一齐住、一齐拍节目更加丰富。刚刚拍完，剪接需时，我谂应该要巴黎奥运之后先有得睇！”
《Boyscation Too》在ViuTV节目巡礼预告后，除了香港，连泰国与越南等外地传媒都有报道，令Vinci打下强心针，不过说到节目内容，他就非常口密，表示迟些会有惊喜给大家。
