星岛：车婉婉死过翻生自揭疮疤3度啜泣 含泪感谢大恩人曾志伟从谷底拯救
50岁车婉婉出身自92年第11届《新秀》，近年凭主持两辑《中年好声音》咸鱼大翻生。入行32年，婉婉自称一直好霉，讲到辛酸史更悲从中来，3度落泪。向来强势的她自爆2007年母亲车绮芬离世后，因为烂声唱唔到歌，亡母的心血酒楼又管理不善，欠落大堆街数，自己积蓄亦见底，人生跌落谷低！幸得大恩人曾志伟出手营救，畀机会她做《中音》主持，展开奇妙的人生下半场。
採访：方骞平 摄影：罗安强 髮型：YoYo Hui 化妆：Meegan Seak 服装：PortsPURE
Sammi介绍医生救声带
1992年入行的车婉婉坦言一直好霉：“你估拍剧好多钱咩？电影几年先拍得一部，每次得嗰3、5组戏，条数根本计唔到，係呢？连自己都唔知呢32年係点过？阿妈在生咪用阿妈啲钱；阿妈唔喺度唯有搵少少钱，见一日行一日囉。’”
婉婉自细由阿妈带大，妈妈离世后冇晒方向，甚至迷失到陷入抑鬱状态，终日挂住食烟饮酒，声都烂埋唱唔到歌，不幸中大幸获另一位恩人俞琤收留，安排她拍住林晓峰主持商台节目，一做7年，总算有稳定收入：“但唱歌係我最爱，用嚟抒发情感，当时真係觉得唱歌放弃咗我，上天叫我要收档喇，就算gathering时，朋友拎枝咪埋嚟我都好抗拒咁推开，真係好唔开心，打后10几年再冇人搵我做唱歌show，开演唱会更加係发梦！郑秀文知我好唔开心，介绍一位喺美国中部嘅专科名医畀我，因为医药费太贵，加上冇人冇物，最后睇港大一位教授，中西合璧治疗，近年又唱得返歌。”
做艺人真係咪做生意
讲到人生中最难受的事，婉婉坦言是守唔住亡母生前经营的酒楼，于2019年的母亲节倒闭，她哭著说：“呢间嘢係妈妈留畀我，佢走咗我要勉强接手，但饮食生意真係好难做，唔係一个普通人识得做，真係冇晒办法，嗰几年嘅利润点都追唔到要交几百万租金，我喺疫情前忍痛结业算係执身彩(蚀咗几多？)唔好讲！唔识计！唔想计…仲因为太单纯信错人搞到一身蚁，所有钱冇晒，从呢件事体会到，艺人係唔应该做生意。”
当时婉婉一无所有，儿子BBQ又出世，只能开源节流养家及主动搲捞：“我觉得自己讲嘢OK，好想畀人睇到我做综艺主持係得嘅，试过‘打大佬’敲综艺组高层嘅门话好想做，但都无功而回。”
自己冇嘢做，老公于疫情期间又教唔到游水。“我好抑鬱，要打多份工做理财顾问增加收入，做人真係好困难，所以见到参赛者喺舞台上分享人生经历，我会用心去听及用感性角度去了解，特别係屋企人离世。感恩喺变态路程有经理人陪伴，喺佢身上学到好多嘢。”语毕，婉婉又再落泪。
另外，对于向展鹏跟她道歉，婉婉笑说：“又唔使道歉，自己真係寸过佢会心虚，我点会窒我啲‘屋企人’啫？唔紧要，下次一齐饮过。”
