明报：文颂男完成电疗病情明显改善︰期望身体会逐步好番
前J2台主持文颂男（Koba）去年10月确诊罕见癌症“尤文氏肉瘤”，之后全面停工及先后接受化疗及电疗。已完成电疗疗程半个月，Koba日前（9日）在社交平台分享近况，开心表示病情有明显改善，痛楚感觉少了很多。
他说︰“做完电疗已经经过第二个星期，所有嘅痛感明显地减低咗好多，由最痛嘅9/10分，依家降低到1/10分，係间歇性地会有一啲神经性嘅痺痛仍然会出现喺下肢地方。而脚底周边位置，譬如尾趾附近开始有番啲感觉，可以郁到少少，大髀内侧及后方痺感都减少咗，有返啲正常感觉，所以止痛类嘅药物，好似神经痛嘅药丸同吗啡都可以降低番啲剂量咁服用。”
Koba表示完成电疗后开始接受中医治疗，服用中药调理身体，惟精神及胃口仍然很差。他续说︰“精神同胃口都係差咗好多，成日都好攰、想瞓，食嘢食唔得多，食多少少都好滞嘅感觉，有时食完仲会即刻呕晒出嚟。咁费力地强迫自己食嘢，结果又呕番晒出嚟真係觉得好似白费晒心机同力气。可能因为食少咗嘢，体重都轻咗大概5kg。最近两日更加好似感冒，虽然探热显示冇发烧，但我周身肌肉疼痛，瞓觉都瞓到囉囉挛，又会时常标冷汗，感觉好唔舒服。鑑于自己精神真係好差，所以呢两个星期，都冇乜精神去回覆大家嘅讯息同留言，喺度都同大家讲声唔好意思。”
虽然精神状态仍然很差，Koba很开心看到身体有明显改善︰“虽然经历咗咁多痛苦同挑战，但好高兴见到电疗之后有咁明显嘅改善。痛感减低咗，身体逐渐恢复，呢啲都係好嘅迹象。即使依家仲面对紧好多困难，但我会继续坚持，期望身体会逐步好番，亦希望唔会突然恶化番。我会保持乐观，继续努力去克服困难。”
