廖骏雄设灵｜廖家爵含泪透露爸爸病况 遗憾少陪伴：好多嘢冇做过 | 香港01
前TVB甘草演员廖骏雄上月18日于东华医院因病逝世，终年64岁。丧礼今日（14日）于大围宝福纪念馆设灵，让亲友作最后道别。廖骏雄儿子廖家爵在接受访问时表示：“都好突然走，冇谂住问佢有咩遗愿。”
谈及父亲突然离世的原因，他说：“始终都唔会觉得佢咁快离开我哋，同埋我觉得係唔想去面对呢件事，佢入去嘅原因係因为胆管嘅问题，突然之间有一排瞓醒见到佢成个人好黄，咁妈咪同佢入咗医院，做个胆管手术谂住佢排返啲胆液出嚟就好啦！”他续指父亲生前很容易发烧，并表示：“本身做咗个手术就会向外引流，佢伤口受少少感染就好容易发烧同埋体温好难控制。”
被问到最后看到父亲的身体状况，他说：“其实佢走嘅时候嗰几日，大家屋企人接近24小时都轮流陪佢，最尾嗰一刻，佢知我哋唔想睇住佢走，我哋逐个逐个就讲一句唔理你啦，由得你瞓觉咁走，家姐走咗出去佢就继续瞓觉，我唔讲佢又真係唔走喎！留咗一段时间，后段时间我同佢讲埋good night，佢就直线下滑。”
提到会否遗憾没法与父亲过父亲节，他直言：“一定有嘅，后悔有好多嘢都冇做过。（入行少咗时间陪爸爸？）都係㗎！始终我喺公司冇刻意讲佢係我爸爸，我想尽自己嘅能力去调返，人哋识我先识得佢。”讲到爸爸生前是否对他有期望，他表示：“一定有嘅，叻过爷爷，因为爷爷做官做太平绅士嘅，想我比佢更加好。”
讲到父亲廖骏雄于电影《九龙城寨之围城》片尾的4分钟彩蛋出现，他说：“我都係早排先知，我自己都有睇，听闻係有剪过嗰一part，但原来后面有播返出嚟，未入去睇返，但係我有睇到其他社交媒体有分享出嚟。”
提到翁静晶指香港公立医疗系统之不足，他回应：“呢样嘢就唔多评论啦！”被问到父亲生前是否有其他圈中好友去探望过他，他坦言：“有少量，可能其他都好难抽时间过嚟。”
