星岛：欧倩怡谈前夫惹负评！
炫耀学历被狠批 欧倩怡回应突反讚郭晋安：佢係好好
44岁欧倩怡（Cindy）上月突然宣布与59岁郭晋安结束18年的婚姻。回复单身的欧倩怡日前终开腔首谈离婚的原因，原来是因为2019年的一场大病，令她改变了人生观，决定做自己想做的事。不过欧倩怡分享患病经过，提到“隔篱嗰个”照顾她的方式，在网上造成不少迴响，有人狠批郭晋安见死不救，亦有人觉得欧倩怡表现“忘本”，对于网民的反应，欧倩怡亦有回覆。
欧倩怡（Cindy）日前接受虾头和连诗雅主持的YouTube节目《丝打围炉》的访问，在节目中因为40岁的一个经历，令她明白到生命很脆弱，因此应及时行乐，做自己想做的事。
欧倩怡称在2019年12月曾患重感冒，反覆发烧睇三次医生仍未痊癒，有一晚在睡梦中，凌晨时分突然感到由左手中指像触电般流通全身，而且无法呼吸，当时欧倩怡向郭晋安求助：“我话我唞唔到气，几乎讲唔到嘢，跟住佢话‘咪玩啦，瞓觉’。”
其后郭晋安见到情况“唔对路”，欧倩怡说：“开始起身Google睇吓係咪call白车，跟住搵到个片糖冲热水畀我饮。佢已经惊我呕，喺床上拎住个痰罐，（片糖水）我饮咗少少，其实嗰一刻我已经去到失禁，我觉得自己应该唔得㗎喇。”
欧倩怡访问节目播出竟关闭留言功能
访问播出后，因节目罕有地关闭留言功能，于是有网民涌到欧倩怡的个人社交平台留言，有人觉得欧倩怡：“忘本。。。学费何来？”回应：“係呀，我有好好多谢佢。感情事係咁，无得计嘅。大家依然係屋企人。多谢你支持啊。”
不过亦有人撑欧倩怡：“佢都有多谢佢，几时有讲过只係靠自己努力？一阵佢讲郭生又畀人话消费郭先生。点都係畀人闹，唔通又要郭生岀不断喺公开场合多谢欧倩怡帮佢生仔照顾屋企，啲嘢又冇人讲过嘅，淨係不断放大郭生啲钱，佢名下嘅物业都冇一个係欧倩怡个名啦，股票又转走晒，一个女人而家靠自己出嚟打工，畀心机读书又要俾你哋Ｘ既！”
网民对欧倩怡访问内容意见不一
后来又有人说：“睇完之后， 唔明点解你半夜呼吸唔到，身边嗰个唔报警，仲有时间上 Google！Anyway，恭喜你展开新生活，努力。”、“你晕咗后，当时嘅另一半有无扶你起身，点解会仲係个痰灌度until第二朝？”欧倩怡亦有回覆：“佢当时係惊，唔知发生咩事。”
接着欧倩怡亦再补充：“我真係断片式晕咗，发生咩事都唔知。”不过亦有人直斥：“人哋郭晋安一句声都冇出，你就咁多野讲，向前看啦！”欧倩怡亦大方地说：“係！thanks。”
欧倩怡自觉读太多书反而蚀底
欧倩怡在2006年结婚后已淡出娱乐圈，专心相夫教子，不过多年来不断进修，除了成为硕士外，亦考获不少牌照，不过在访问上欧倩怡自觉读太多书反而蚀底，殊不知又被网民批评：“咁嘅学歴叫劲得滞，真係笑大人个口，fyy读埋硕士都未讲得出呢番说话。”
而欧倩怡回应：“ 多谢提醒，其实我都知我好渣㗎咋，好多嘢都唔识，同无记性。嗰个纯粹係节目效果。学海无涯啊！”有网民问她有否再玩交友app，欧倩怡坦言：“入面好多坏人同假 account， 要小心。同埋我好奇，玩咗一个月，觉得闷，又无玩啦！”
有网民感激欧倩怡放过郭晋安
不过依然有网民表示不满：“睇返志云饭局，原来你3个月就去安仔度同居，离婚唔知有冇3个月就玩交友app，仲喺度讲自己前夫点衰点衰！”欧倩怡表示：“都两年啦～～ 同埋搵人倾下偈唓，无做坏事。我而家都同你倾偈啦。”接着又有人留言：“多谢你放过郭晋安，地球又多一个笋盘。”
欧倩怡则回覆：“係呀，佢好好的！”甚至有人说：“真係戥郭晋安惨！！你真係太over了。”欧倩怡亦说：“ beli bala 作风只限镜头前。”郭晋安离婚后接受冯素波访问时罕谈家事，却未有提起前妻。
