星岛：林恺铃好多谂头想同古仔忆莲合唱 为追歌手梦休学唔做建筑师
龚慈恩24岁女儿林恺铃（Ashley）成为古天乐旗下cool music歌手后，推出自己作曲的处女单曲《现在》，提醒自己把握现在，好好感受生命。港大建筑系学士毕业的Ashley，要完成埋3年硕士课程才考到建筑师牌，不过，为趁年轻追梦，她决定停学专心做幕前。
採访：方骞平 摄影：罗安强 髮型：Veron Chan @veronchan_impecc 化妆：Owen Ko @Owenko.station @zoeychinbeauty_official 服装：SANDRO @SandroParis
龚慈恩入行前原来是一位钢琴老师，Ashley受妈咪影响，由细到大都喜欢音乐，觉得唱歌能抒发感情，好自由自在，所以收埋唔少创作。读完大学多咗自由时间，Ashley即争取进军歌坛。
追梦紧要过赚钱
Ashley笑言最希望可以同古老闆(古天乐)合唱，甚至作歌畀佢唱，她卖口乖说：“我有听佢啲歌，好似《今期流行》咁，当年好hit，个个都唱。”
不过，记者要求她唱两句时，Ashley就耍手拧头话怕自己唱得太差，唔敢开腔。虽然暂未有机会跟古老闆合唱，但就可以和欣赏的歌手吴林峰合唱创作歌《摊手党》，她自爆有一个再远啲嘅心愿：“好想同乐坛天后林忆莲合作，从佢唱嘅广东歌感受到真实嘅感情，而唔係方程式；另外我都好欣赏岑宁儿嘅歌。”
提到当红歌手才赚到钱，Ashley坦言暂时仲年轻，会以梦想、价值行先：“做歌手唔係为钱，有机会实践梦想点都係幸福嘅，所以未来几年唔会读硕士，集中火力唱歌及演戏，妈咪都支持我咁做。”Ashley未有进修硕士时间表，尤其喺娱乐圈好难有完美计划，但强调一定唔会放弃攞建筑师牌。记者笑问她会否嫁咗都未读完硕士？她笑说：“拥抱所有可能性，用随遇而安心态最好，机遇嚟到就会到。”
