张曦雯一味靠讚等男友多下厨 唔急做人妻：暂时未有计划 | 香港01
有“美女厨神”称号的张曦雯（Kelly），今（19日）为节目《拍档食堂》录影，而煮得一手好菜的她，自言参加节目没有太大压力，因为身边有专业厨师帮助。而在接受《香港01》访问时，她亦大方分享与美日混血儿男朋友Mark Brunyez在家的下厨乐，相当甜蜜。
在接受访问时问到Kelly煮中餐多还是西餐多时，她就二话不说：“一开始熟悉煮嘅係西餐，但返到嚟香港之后屋企焗炉嗰啲又冇咁大，屋企又冇咁多位唔方便，其实都係家常便饭。（平时有冇同男朋友下厨？）我哋都有，佢就最锺意煎牛排，煎得好好食㗎，（佢以西餐为主？）係喇！我又会帮吓手。（佢有冇讚你煮嘢好？）我会讚佢，因为等佢煮，讚佢多啲等佢煮多啲。”一边讲一边甜笑，可见恋情相当稳定。
与男朋友同居多年的Kelly，早前在社交网站上贴一张怀孕照，顿时惊吓不少网民，原来只是剧中孕照而已。而当问到二人感情稳定，有没有打算结婚时，她就表示：“我同男朋友都好稳定，好多年，都係朝住呢个方向嘅，如果唔係都唔会一齐咁多年，暂时未有计划住。（屋企人有冇催婚？）冇，我爹哋妈咪完全冇理我，佢哋都好锺意我男朋友。”她又透露现时忙于拍剧，7月更会开始拍新剧，是喜剧类剧集，所以对她来说是一种新挑战。
