明报：梁靖琪入行20年首获认同感动哽咽 曾因欠缺观众缘转行
梁靖琪（Toby）入行20年，最初以女团“女生宿舍”成员身分入乐坛，后来转投TVB拍剧，因父母梁家树、萧笑鸣当年均是电视台高层而被指靠父荫。Toby近日接受商台《星光背后》访问，坦言入行后面对负评居多，甚少受到称讚，因此凭演出剧集《家族荣耀之继承者》而首次得到观众及爸爸的认同，令她十分感动。
Toby哽咽说︰“我本来唔敢接呢个唔讨好嘅角色，我形象本来已经唔讨好，好惊畀人闹！其实今次呢套剧出街，头嗰几星期迴响都好差，因为观众未睇到角色变化同层次。直到重头戏播之前，我都无上网睇评论，始终我依家做妈咪，唔想带住负能量照顾小朋友。最后係爸爸send有人讚我嘅评论畀我睇，仲加咗‘叻叻’手势emoji。我收到时好感动，谂起都想喊。”
谈及当年不理父母劝阻入行，Toby指父母早已告知她会因其家庭背景面对不少压力。“女生宿舍”出道2年便解散，Toby说：“出咗一隻碟，销量反应梗唔好，好难生存。2006年入电视台拍剧，一开始是非比当歌手时更多。性格问题，我已经改咗好多㗎喇。我喺外国长大，同人打招呼会讲‘yo’、‘hey’，当时唔知太friendly原来会令人唔舒服。”
2016年后，Toby没再为TVB拍剧，曾任健身教练、婚礼统筹及开设公关公司，她坦言是为了生活及听从父母意见︰“我嗰时拍剧拍到中段，畀人闹埋父母，好唔开心，觉得为乜呢？依家我有仔女就明白，最辛苦就係父母，点会有父母想听到人哋长期奚落自己啲仔女？如果有人长期奚落我两个仔，我会好唔开心囉！我终于明白点解佢哋中间叫我放弃拍剧，佢哋话：‘你唔好做啦！搵过第二份工啦！点解你仲唔肯放手呢？’做极都唔讨好，事实係当年我未拿捏到，根本无观众缘，咁咪去开婚纱公司，又试吓搞饮食。”
至于近年重投幕前拍剧，Toby解释：“我好锺意嘛，到呢刻都好锺意，係我梦想。我依家终于同阿仔讲，妈咪无放弃过自己梦想，如果你有梦想，都唔好轻易放弃。”
Toby首段婚姻只有短短2年多，她直言当时太心急，未够了解对方就结婚，之后才发现大家方向不一致，结果很快就分开了。离婚后数年，Toby透过朋友认识现任丈夫施隽贤（Jonathan）。
她说︰“第一眼就觉佢好靓仔﹗刚认识嗰阵，我搞紧一个慈善活动，佢连续5日都嚟探我，两个人坐喺沙滩倾偈、饮咖啡，之后慢慢约会，发现好夹，就一齐咗。我唔再咁急，人要长大，其实我同佢好多嘢好夹，大家都锺意动物、做运动，亦因为佢令我信番主。”Toby与施隽贤拍拖两年于2019年结婚，她同年怀孕。Toby否认奉子成婚︰“其实老公话有小朋友之前已经想求婚，只係先后次序唔同咗。”
