专访｜欧阳震华由太太拉线加入英皇：我老公乜都得㗎 | 香港01
欧阳震华上月正式加入英皇娱乐进军电影圈，一向是电视剧之王，每套作品都是收视保证的他，虽然已63岁但仍然有个电影梦，他说：“以前后生都试过拍几套，但嗰啲都唔算啦，今次係想真係试下，初时睇下有冇机会做下啲配角先，你畀主角我做都唔敢啦。”
而欧阳震华从影多年，但一直
没有试过为任何电影、电视剧客串，原来因为TVB戏剧总监曾励珍，他说：“好多人叫我‘不如过嚟客串’，我係唔会客串㗎，我唔係唔想客串，你一係畀好多钱我，但你要我客串？我点返去TVB同珍姐交待呢？珍姐、TVB捧到我係一个男主角，离开TVB嗰刻都仲係男一，你出去客串，如果返嚟公司，我畀咩位你企呢？”
欧阳太闺蜜帮手拉綫
欧阳震华虽然在电视成绩亮丽，以往亦有拍过几部电影，但成绩平平，今次加盟英皇电影，原来欧阳太傅洁娴功不可没，他说：“原来欧阳太嘅闰蜜，同霍小姐Mani係好朋友，我自己去揾霍小姐又有啲唐突，不如我太太嘅朋友同Mani探下口风‘阿边个嗰老公好似满咗约喎’类似係妳公司等唔等人用呀？佢老公乜都得架喎⋯⋯哈哈，点知霍小姐听到之后好快手，即刻攞个电话出嚟㩒，打畀香港英皇娱乐嘅负责人啦，第日就即刻揾我喇⋯⋯之后大家都好快倾成”
喜剧天王原来想演反派
欧阳震华带给观众很多欢乐，绝大部份角色都是喜剧角色，但原来他一直想有突破性演出，尤其演反派，他说：“好多人问我有冇谂过演反派?演坏人？即係观众认为我仲有好多观感刺激俾佢哋啦？我纠缠呢个问题好耐，但无用㗎，唔係我唔想做，喺公司唔敢揾我做反派，呢个注码好大呀，可能佢哋谂公司无反派咩？我觉得廿几三十集，如果我演反派，咁揾边个演正派呢？咁喺电视我都算正派之中嘅正派啦，咁如果我演反派，播咗两、三集之后唔得喎，咁边个负起呢个责任呢？”
除了想演反派，欧阳震华亦想在演技方面有突破，他有感自己在电视剧演戏的方式，已有一定模式，他说：“其实我想做一个不一样的欧阳震华，即係唔係廿几年都做同一个动作或类似呢个动作，想跳出呢个动作，唔係话以后唔做嗰个动作呀，而係以后有机会，得，我再做嗰个动作，但我而家想试下其他嘢，例如反派。”
