明报：反黑英雄｜朱晨丽亲身上阵激斗李善恆 拍箍颈戏险命悬一线
由陈山聪、张振朗、袁伟豪（ Ben）、张頴康、朱晨丽、姚子羚、傅嘉莉、黄子恆、林景程、何沛珈等合演的剧集《反黑英雄》昨晚（24日）首播。
首集剧情紧凑，短短1小时已接连上演3个动作场面，有群戏、有飞车戏有单打独斗戏，接连不断的枪战、埋身肉搏及飞车场面，当中不少设计更是硬桥硬马，呈现“港式暴力美学”。
其中一场动作戏由演反黑Madam彭颖琪的朱晨丽（朱朱）演出，她与饰演毒品拆家周龙的李善恆的一场埋身肉搏戏相当抢Fo！2人拳来脚往激战一轮，朱朱将大隻仔李善恆挞爆玻璃。谈到打戏连场，朱朱说：“第一次演戏畀人打，之前都係做啲比较好打嘅角色，但今次对手全部都係重量级，好劲、好打得！知道要接呢个角色后，我都特别操弗自己，武指同导演都好惜我，知道我係舞蹈员出身，特别设计咗啲我比较擅长嘅动作畀我，等我打得靓啲之馀，观众都睇得好爽。”
谈到与李善恆激战打斗戏，朱朱透露箍颈、撞假天花等都是后来加插：“佳导（锺澍佳）睇咗第一次拍摄后，觉得呢场戏有好多细节位，可以拍得精彩啲，所以拍咗第2个版本，加咗啲箍颈、撞天花板同埋一嘢揈落牆呢啲动作。”
朱朱续指很多动作都是亲身上阵，并透露拍摄被箍颈戏时险生意外：“我其实出现咗失误，原本我係要好快咁伸隻手指入去条电线度，等佢唔好箍得咁实，但係嗰吓我失误摆唔到隻手指入去，当时我又嗌唔到出声（示意失误），标晒眼水咁，同条脷係好自然咁样伸咗出嚟，大家都唔知我失误，以为我係演紧戏，好彩最后都冇事，导演都话嗰一Take係最好！”
