佘诗曼指《新闻女王》续集电影版同期拍摄 被问阵容班底19字回应
佘诗曼（阿佘）昨日（27日）现身尖沙咀出席品牌活动。日前热播的电视剧集 《家族荣耀之继承者》好评如潮，她接受访问表示：“开心，其实我哋成个剧组都开心嘅。”至于提到大结局林峯在婚礼出现是否想抢新娘，她说：“大家觉得係点，监制编左咁样嘅结局等大家去估吓同埋谂吓。”她笑言：“拣边个都冇所谓，我都拍完。”
《新闻女王》续集电影版同期拍摄
被问到《家族荣耀之继承者》是否会开续集，她坦言：“我唔知喎！（有望原班人马再拍？）係咪真係原班人马，睇吓到时啦！”讲到有指《新闻女王》会开电影版和续集，她说：“呢一个其实係早几个月前都同监制倾过，佢亦都有同我讲两件事嘅故仔大概係点，但讨论咗个议题好值得我哋去反省，係一个好有意义嘅题材。”
至于何时会开拍，她说：“唔知喎，剧集总监制锺澍佳话好似12月，因为佢就Mark咗我一月，但係现在就提前咗！”
她透露锺澍佳表示可能是连住拍摄电影版和电视剧版。提到新版本阵容班底会有黄宗泽和陈晓华加入，她表示：“我都係睇报道先知，咁我唔理啦，係好对手嚟嘅。（对晓华嘅印象？）OK我哋拍咗一场戏，佢係一个好有潜质嘅演员。”至于未来半年是否有新剧的拍摄工作，她坦言：“我谂就未必会有，因为我想有多啲时间，除非有一个好正嘅戏。”
自爆与“七魔女”旅行着Toby件泳衣
提到早前与“七魔女”一齐去旅行，是否有男士前来搭讪，她笑言：“可能有人想，但係唔成功。”至于早前大晒性感水着，她说：“呢个係梁靖琪（Toby）嘅idea，佢话咁难得一齐不如影一辑相留念，我哋就拣咗呢两个颜色，我哋其实一去到嗰一日已经摊晒所有衫出嚟，边个着得靓，边个锺意边件就拣。其实我着紧黑色嗰件衫都係Toby，唔係我自己。”
拒绝开个人演唱会
被问到会否继续往音乐发展，她说：“其实唱歌唔係我强项，我係想送俾粉丝支持咗我咁耐，出道周年作一个留念，会唔会有呢个计划就迟啲先讲！”提到若果有人邀请开演唱会，会否考虑接洽，她笑言：“哗，梗係唔得啦！（做嘉宾可以吗？）做嘉宾都要谂吓，我好惊啊！”倘若林峯邀请做演唱会嘉宾，她直言：“讲到佢，我要练歌。”
