明报：传炎明熹明天马场活动被飞 吴家乐为Gigi被指忘本抱不平
炎明熹（Gigi）传因拒绝续约被无线（TVB）雪藏，她昨天（30日）出席商场活动时，不获无綫派员到场採访，Gigi受访时直认续约一事未倾好，强调自己不忘本，希望与公司一直保持良好关係，开心和气。有报道指自4月演唱会后首出席活动的Gigi其实仍未获“解冻”，被突然取消出席明天原本有份参与的马场活动，TVB只派出周吉佩、古淖文、李佳、罗启豪、谭辉智及颜米羔出席。
“声梦三小花”姚焯菲（Chantel）、锺柔美（Yumi）与詹天文（Windy）下月举行的演唱会日前宣布加场，无綫高层乐易玲在记者会上发言时说做人不要忘本，要相亲相爱，令人联想到近期传不续约的Gigi。
梁思浩和吴家乐在前天播出的网上节目《娱乐好好玩》谈及此事时，已离开了无綫的吴家乐说︰“首先，炎明熹有冇违反咗合约精神先？炎明熹係喺合约期间履行晒佢嘅责任，咁合约完咗之后，人望高处。你又唔知道呢间公司畀啲乜嘢Offer佢，同埋谂住当初要捧佢，或者将来有一个乜嘢嘅发展嘅话，係咪应该一早就要倾，点会畀佢一路做嘢继续拖，拖到埋尾先至话倾唔掂呢？呢个就係一班幕后工作人员嘅责任。”
梁思浩同意是艺员部的责任，吴家乐续说︰“咁你都知啦，呢间公司，呢个倾唔掂就轮到何丽全、珍姐（曾励珍）又倾倾，打完一个圈返嚟，咪又係嗰个条件。如果你嘅条件係符合佢要求，好老实讲，一个妹妹仔，佢都去到呢个位嘅时候，梗係希望再远啲啦，同玩游戏一样，唔係奖金就係奖品，你其中一样多啲，佢咪会留低囉，同埋可能人哋出面嘅Offer都好多呢，机会大好多呢，我觉得唔係忘唔忘本﹗”梁思浩认为炎明熹出道以来获不少乐坛前辈称讚有与生俱来的才华，是值得拥有更好的续约条件，无綫不应给她一般妹妹仔的待遇。
吴家乐说︰“去到呢一个阶段，唔好讲咩忘唔忘本先，你畀咩条件人先？你未入嚟TVB之前，都喺唔同嘅电视台同电影公司做过。我就讲森美大哥，佢未入TVB之前，同小仪喺有线做节目，佢连过冷河都唔使就入咗TVB。唔通TVB同佢倾嘅时候话‘森美，你入嚟我个台就忘本啦，你应该留番喺有线唔好过嚟’，係咪咁讲呢？我觉得唔好讲埋啲废话啦，咩合约精神啫？老实讲，我哋当初，又话个市道唔好、共渡时艰，又话无言感激，我谂好多艺人都知道我讲紧咩。喂，我哋唔係一齐同你共渡时艰咩？到最后有几多个艺人係被人哋默默咁放走咗，转行揸的士，约又唔同你倾？呢啲人，你又唔同佢讲‘你哋都唔係忘本嘅人喎， TVB继续养你啦’又唔见你咁讲？唔好你觉得佢值钱有利用价值，就话人哋唔留低係忘本。有几多人黯然咁离开咗呢间公司？当然，我唔係因为我离开咗，所以咁讲。某程度上，我觉得要两面睇，如果佢违约佢唔啱；如果你畀个条件好过出面，你估佢留唔留低呀？”
