吴若希细佬超悭家去旺中钉耳窿 白滑皮肤激似韩星：被人话好似TB
吴若希（Jinny）一向重视家庭，除了照顾老公Alex Ho和一对仔女Giselle同Kylian外，仲有胞弟吴梓枫（Carson），Jinny知道细佬有潜质在幕前发展，所以2021年为他安排跟种星堂签约，成为旗下模特儿。Carson现时学业和事业两兼顾，除了好叻仔考入香港中文大学努力读书之馀，亦不时接影相或者拍MV的工作，收入未必多，但总算可以自己零用钱自己赚！
现年20岁的Carson身材高大，而且皮肤白滑五官精緻，在IG大多数分享的照片都是晒黄金右边面，近日他难得自拍大晒左边面，原来他分享自己钉耳窿，他留言说：“耳钉！旺中！40蚊！好抵，但而家被人话好似TB！（女同性恋者）”虽然有家姐同姐夫照顾，不过Carson好乖识得悭家去绝平的地方钉耳窿，非常生性，而他拥有白滑肌肤竟然被误会是中性TB，认真搞笑！
Carson比吴若希细12年，早前曾在家姐的YouTube频道中粉墨登场；两姊弟一讲起家人，眼泪就收唔到掣，喊到猪头一样。Carson虽然年纪轻轻，不过非常乖仔，不时会代家姐照顾一对姨甥仔女，又向Giselle（吴若希大女）讲故事。
Carson当时直言曾担心过家姐组织家庭后，不知道可以如何自处，“知道家姐有自己家庭，到底我之后会点样呢？係咪代表以后我都係一个人？我只知自己要更加独立，好惊自己做错啲乜嘢影响到家姐嘅生活；就算将来我冇乜嘢出息，我都一定会好好做人，唔好令家姐担心！”吴若希听见Carson咁生性，都忍不住喊。
