明报：反黑英雄｜黄子恒遭行刑式处死画面震撼 难忘10度拍殓房戏
TVB警匪剧《反黑英雄》昨晚（3日）播出第8集，短短一集已有3大事件爆发，分别为“西九王”无良（黄子恆饰）遭陈祖耀（袁伟豪Ben饰）行刑式处死；身分神秘的林雪儿（姚子羚饰）出场；及高高（黎泽恩饰）在医院的大型逃狱戏，同场还加映《法证》系列主角Dr.范（蔡洁饰）出场为无良验尸。
黄子恆演大奸角无良，他大嗌好玩：“今次监制想我做到同平时嘅社团大佬好唔同嘅感觉，要係一个有学识嘅斯文人，睇落完全唔似社团大佬，所以我演嘅时候，係当一个生意人去演，最大难度係拿捏个力度，做得凶少少就变得好古惑仔，做得太轻佻又冇嗰种霸气。”
提到在剧中被Ben处死，子恆刻骨铭心：“最尾嗰刻佢虽然知道自己已经玩完，但係佢气势上完全係冇输，我觉得成场戏个氛围好型！”至于殓房戏，黄子恆透露拍摄当日只得10度左右：“全身只係除淨一条打底裤，仲要瞓喺张不锈钢牀上面，都几难顶，但剧组都好好，一Cut机就攞毛巾畀我搂住，拍呢场戏最大难度就係唔可以震，Roll机时亦唔多可以唞气！”
子恆续指对化尸体妆最难忘：“化咗足足3个钟，因为成个身都要上色，再加埋一啲特技化妆，基本上除咗打底裤成个人都有化妆，成个过程有三个人帮我化，拍完之后有五个人帮我落妆，前期同后期其实都用咗好多人手去做好件事。”
昨晚另一焦点，是身分成谜的林雪儿（姚子羚饰）出场。姚子羚甫出场即现身警察局，为无良死亡事件落口供，该场戏亦算是子羚的Solo晒演技之作，短短几句口供子羚已将角色睿智、冷静及有意隐瞒等一面展露无遗，配以带点藐视的神情，戏味甚浓。
