星岛：揭陈彦行囡囡生父身份係黄子华司机 富贵阿妈助养孙女送逾千万北角豪宅
多年来自称单身，47岁“行姐”陈彦行日前竟被爆秘密生女，囡囡3岁大就读名牌幼稚园，但生父成谜。昨午行姐终于“上水”，在社交网出po承认产女，强调“3年前就应该公佈这个喜讯。”并交代另一半係“没特别，简单低调嘅圈外人”。
《头条日报》从行姐圈中闺密中收到绝密独家消息，得知行姐女儿爸爸的真正身份，原来是黄子华的司机。另外，据知财力雄厚的陈妈妈去年更豪掷千万送出北角物业安顿行姐及孙女，由当初大力反对，到被孙女融化逐渐接受司机“女婿”。採访：曾盻坚
最近陈彦行现身幼稚园接3岁女儿放学，并跟家长们打成一片，才被踼爆早已秘密生女，囡囡啱啱从小组班毕业。原来近年行姐淡出幕前，全因要亲力亲为照顾独生女，亦唔怕生女消息外传不时现身亲子活动，在校内非常高调。
“老公”超锡行姐
“潜水”多时的行姐只跟少数圈中闺密保持联络，聚会时难免会洩密，开心SHARE近况，据知情者说：“行姐得一粒女係怪兽家长，反正有陈妈妈‘助养’唔愁生活，4年前索性唔捞，仲安排个女入读每年学费近11万港币嘅名牌幼稚园，将最好资源畀晒宝贝女。”
闺密更大讚行姐在圈中浸淫多年但唔贪慕虚荣，亦唔介意另一半冇钱冇地位，爱情至上，最紧要自己锺意：“佢除咗紧张个女，更加保护另一半，平时喺朋友面前畀足面，唔多提男方係职业司机，唔想影响到老公自尊心，尤其唔想俾人知道佢係黄子华司机，费事麻烦。”
闺密亦对行姐“老公”讚不绝口，“佢好锡行姐㗎，有时一齐出嚟饭局，‘背后男人’唔多出声，係咁斟茶递水，早晚管接管送做到足，‘两公婆’几SWEET呀，睇住佢哋一齐都咁多年啦，根本就冇分开过，只係压力太大转做地下情啫。”
老人家曾大力反对
行姐系出名门，係民国初年的云南革命党军官黄毓英嘅曾外孙女，陈妈妈退休前经营饮食生意多年，赚到多桶金。行姐亦曾入读加拿大著名的加利福尼亚大学，学成后才加入TVB第7期艺员训练班。
闺密又指：“陈妈妈本身有钱有面只得两粒女(行姐係孻女)，而且行姐有学历又唔係冇条件，梗係想个女嫁得好啦，故陈妈妈多年来多次反对行姐跟司机男友交往，无数咁多次好言相劝叫行姐谂清楚。”
据知行姐终极恋爱脑，被男方嘅爱打动而逆母意，仲做高龄产妇，停经前赶住‘生米煮成熟饭’，“老人家见到孙女同行姐如影印一样咁得意，‘女婿’又算勤勤力力，好锡家人，唔会‘沙沙滚’，唯有被迫接受。”
据可靠消息，前年行姐挺身帮妈妈追返银行保险巨款，陈妈妈去年就送上逾千万千呎北角豪宅单位畀个女一家安居乐业，行姐更搵埋风水师睇风水，务求家宅平安，阿女健康成长。
