爱回家｜何晋乐懒理网民批Joe角色样衰：绝对唔介意 | 香港01
何晋乐（Rock）（10/7）现身电视城出席TVB处境喜剧《爱·回家之开心速递》宣传造势活动。对于在剧中饰演龙家三房儿子龙舟Joe角色，一登场就惹负评，惨遭网民留言闹爆：“呀joe铺排咁耐搵佢黎做真係浪费晒”、“横掂咁嘅造型，不如揾c君做好过”、“傻下傻下咁，真係睇唔落”。
Rock就事件接受《香港01》访问时说：“其实经过《声梦传奇》之后，我已经免疫咗。而最重要係要知道边一啲负评係有用，同埋有养份嘅，我睇完就会返去检讨。（有啲留言为闹而闹！）呢啲我就懒理，一係就笑返佢哋转头，一起就我係我，我绝对唔介意。不过我都有试过覆网民，佢话我个造型好样衰，我就会话佢你慢慢接受啦。不过点好，我都会继续做好呢个角色。”
