森林女王丨王敏奕声演母狮自觉尴尬 揭老公真实反应：得唔得㗎？ | 香港01
王敏奕（11日）出席《森林女王》记者会，并在台上分享声演的趣事。她接受《香港01》 访问表示：“我同《新闻女王》一样都会做返刘艳，喺《森林女王》都会遇到好多困难，保持住刘艳嘅精神会越嚟越强，同埋大自然法则点样去生存。”她坦言声演《森林女王》都比较尴尬，并表示：“我不停咁谂点样去做好隻狮子。”
声演母狮揭老公真实反应
被问到声演这次角色，是否有回家同老公分享，她说：“其实佢都同我一样知道要演母狮都话得唔得㗎？都会等佢睇电视感受吓，我就同佢讲话俾我试吓啦！”
讲到最近工作繁忙是否跟老公少时间相处，她表示：“唔係，大家工作忙有工作忙嘅好，都成日见起居饮食都有互相照顾。（老爷有冇催啲生仔？）我不嬲都冇呢啲压力，屋企嘅氛围最紧要健康开心。”
有份再参演《新闻女王》续集?
被问到《新闻女王》即将会开续集和电影版，是否已经收到剧本，她说：“暂时仲未，仲有少少时间大家都喺度讨论紧，我应该係会有份，始终演员都係好被动，下一刻都唔会知道係点样嘅事，当然我好期待收到剧本。”
至于即将会出现在电影版还是续集，她坦言：“我现在仲未知道，我听监制讲呢一个想法已经係仲係拍紧《新闻女王》同埋播紧出街嘅时候讨论过，所以都仲等紧通知。”她继续指已经留了档期等待拍摄。
