陈豪爆大仔“孤寒”二仔理财有一手：每一个仙都计算住 | 香港01
陈豪今日（18/7）现身机场出席理财产品活动，他接受《香港01》访问时表示：“自己喺投资方面比较保守，而太太就比较进取啲，变咗我哋互补不足。虽然咖啡店我已经开到第6间，但喺今时今日嘅经济状况下，我哋都係步步为营。（点样教育小朋友理财？）其实上年带佢哋去欧洲旅行，已经畀咗啲零用钱佢哋买嘢。佢哋3个嘅性格，喺消费嘅模式直接反应出嚟。”
陈豪续说：“好似大仔咁，佢就比较‘孤寒’，係悭俭嘅人嚟。试过喺葡萄牙佢好锺意食沙甸鱼，面前有三种唔同价钱嘅沙甸鱼，佢会谂好耐，最终佢係会拣中间价嘅沙甸鱼。二仔佢就每一个仙都会计算住，去到一蚊店，佢会计到尽。我同佢讲你买完都会当垃圾掉，佢就话最紧要平。相反细女为咗要食，佢就唔会计价钱。”
