星岛：岑丽香爱在妈妈群组分享美容资讯
李霭玑透露预产期8月20日 老公林奕匡有机离港工作望BB识做
岑丽香与怀孕36週的林奕匡太太李霭玑（Rikko）今日（19日）到铜锣湾出席美容活动，香香笑指凑仔返学时最开心是识到很多“妈妈”朋友，又透露自己在妈妈群组中负责皮肤护理及美容部份，会将所有资料跟大家分享。
问到老公是否觉得她保养得很好？她笑说：“佢冇得话唔满意，每次做完Facial返屋企第一时间就搵佢问完唔完美，佢通常都会答Yes。”至于见到Rikko是否会回想自己以前陀B时，香香说：“好开心可以祝福佢，大肚婆要好好珍惜呢个特别嘅过程，（使唔使祝福你？）未使，顺其自然，呢一刻唔使住。”
至于Rikko透露预产期是8月20日，今日也是产前最后一个公开活动，她指现时心情颇紧张，昨晚也睡不好搞到手指麻痹，问到老公林奕匡是否有帮她按摩？她指有：“有时出街之后隻脚肿，佢都有买啲按摩油帮我按。”
Rikko表示今次想顺产，但需要做克服痛楚的练习，例如自我催眠、运动及擘腿动作等，而产后亦会喂人奶，不过就要看状况，至于老公到时是否会陪入产房？她说：“会入，但有机会预产期前一个礼拜佢会离开香港做嘢，（会唔会嬲佢？）唔会，做嘢，不过都有少少担心，睇吓BB识唔识做。”
