郑秀文赠巨型叉烧饭 林峯预告明年红馆开骚
郑秀文（Sammi）昨晚（23日）举行第9场红馆演唱会，请来林峯现身舞台。Sammi介绍他出场时说︰“今晚呢个Bonus就厉害啦，我惊你哋开心到拆天。呢个嘉宾呢，我由细睇佢嘅TVB剧睇到大，呢位嘉宾最近着火呀，好Hot！总之我细细个就睇佢嘅戏长大啦！”两人手拖手合唱《爱在记忆中找你》，Sammi感谢林峯百忙中抽空担任表演嘉宾，林峯自爆太兴奋，出发红馆前在家中弄损手。
他问Sammi︰“网上流传嘉宾名单，点解今日係‘待定’？”Sammi笑言︰“梗係唔係啦，假㗎！”林峯续说︰“我仲睇到个名单有‘龙捲风’，即係古天乐，其实你好多次演唱会都请佢嚟…”Sammi答︰“假㗎，佢话唔得閒喎﹗”林峯笑言早知向Sammi提议合唱《今期流行》，他边说边跳几步经典动作，令全场爆笑。
林峯在电影《九龙城寨之围城》中因为一碗叉烧饭展开在城寨的故事，Sammi特意送了一大碗叉烧饭给他，林峯高举叉烧饭跟观众打招呼：“大家好，我係‘陈洛军’！”全场欢呼。Sammi说：“林峯喺呢行嘅演艺生涯都係有血有泪，呢碗叉烧饭食落去都真係滋味在心头！”岂料林峯说：“多谢，其实我都係睇你嘅戏大！”Sammi“哗”声大叫，笑住返回后台。
独自在舞台的林峯宣布：“我上一次喺红馆唱歌都几年前，其实我出年都有机会重返红馆，如果再近啲嘅就係9月喺澳门都有骚嘅，到时希望大家赏面啦！今晚Sammi个舞台靓到爆，我好锺意，尤其係可以同观众咁近距离接触。”
