星岛：姚子羚获胡杏儿力挺 开声叫竞敌胡定欣让奖 新剧被讚视后级演技
入行21年嘅姚子羚，9年前凭《张保仔》夺“最佳女配角”，演技早被认定。最近她于剧集《反黑英雄》中饰江湖大嫂，遭打毒针后抛下海，抽搐动作及表情获讚，被网民力推做今年视后！好姊妹胡杏儿眼见子羚终于上到位力挺她，在“胡説八道会”群组笑住发声，竟叫竞敌胡定欣“让奖”：“係啦！定欣你唔好攞喇！”
採访：方骞平 摄影：朱伟彦 髮型：Taylor Wan@Leonardo 3 hair corner 化妆：Henry Li
姚子羚在《反黑》中被网民激讚演技大跃进，可望今年衝视后。子羚开心遇到一个观众喜爱及有得发挥嘅角色，又指她和张振朗有CP感，不停留言表示喜欢2人组合。对于问鼎视后？她相信好剧陆续有来，她睇好胡定欣及杨茜尧。
胡定欣冇表态
虽然胡定欣曾经连夺两届视后，但子羚唔敢要求好姊妹“让奖”：“要讲公平嘅，我谂佢应该仲想攞奖，不过，班姊妹见到我有正评都戥我开心，杏儿最爆，佢带笑喺群组开声话‘係啦！定欣你唔好攞喇！’紧接又同我讲‘定欣ok㗎喇！唔使理佢。’”
至于定欣有何反应呢？子羚却说：“佢可能忙工作冇回应呀，最好齐齐有份啦。”
今次子羚为拍《反黑》好搏，除被张振朗淋冰，冻到手脚麻痺外，儘使畏水及不懂水性，都拍落水戏：“原先喺浅水位置拍摄，但效果唔好，最后身上绑住啲铅，吸一啖气沉落去5米深嘅水底，交由张振朗救返我上水，佢惊到扯住我啲把头髮拉我上水。”
另外，爱狗的子羚日日在天时暑热下放狗，所以清减咗：“为免过瘦，𠵱家由食全素开始食返啲肉。”她又表示冇宠物情缘，但叫大家放心，她只不过冇乜时间结缘啫。
