炎明熹传续约TVB要准时出粮 潘静文爆：签约冇写明几时出粮 | 香港01
炎明熹离巢不续约的传闻越演越烈。之后有传媒报导指炎明熹续约要求之一，是要求TVB要准时出粮，此报导一出，令网民有很多误解。
前日（26/7）《声梦》小花潘静文（Sherman）现身电视城出席《TVB 2024巴黎奥运直播基地启动礼》。Sherman接受《香港01》访问时表示：“其实我哋签约係冇写明几时会出粮，同埋自己都知道出粮唔定嘅，自己都预咗。其实我哋公司每月都会一定会转账出粮，但就个金额就唔定嘅。金额係睇你做咗几多嘢，係多劳多得。
（有冇试过几个月冇出粮？）之前试过。初时玩完比赛冇嘢做，但而家Keep住係有嘢做。好似拍剧咁，拍完都唔会即刻出，可能係播出后两个月先会有。
（咁迟收到，会唔会造成经济负担？）如果话冇就假嘅。变咗自己好多嘢都要衡量吓，有钱嘅时候就唔好使晒，要积穀防饥。如果嗰个月冇钱出粮，我都会同屋企人讲唔好意思俾唔到家用。不过有时一大旧钱出粮，收到又真係好开心㗎，只係迟啲攞啫。
