明报：王晶爆周星驰《功夫》无礼式换人 洪金宝受气斥责︰佢当其他人係狗
王晶导演在昨晚（10日）上架的新一集网上节目《王晶笑看江湖》中，透露周星驰当年因电影《少林足球》与投资方的林小明反目，更在拍摄途中激嬲洪金宝。他表示吴孟达在《少》片中的角色，本来是由刘家良师傅的弟弟刘家荣饰演，刘家荣同时兼任武术指导一职。
不过，周星驰在拍摄过程中觉得刘家荣不适合，而且他的武术设计不是周星驰想要的飞来飞去那种，刘家荣亦不喜欢太多飞来飞去动作场面，最后决定辞演及辞任武术指导，周星驰于是找吴孟达顶替刘家荣演出，及找程小东任动作指导。
谈到吴孟达，王晶表示电影《功夫》本来有找吴孟达演出，吴孟达亦已预留档期，岂料周星驰在差不多开拍突然改邀元华参演。他随后讲述周星驰与出任动作指导的洪金宝因为《功夫》而发生过衝突︰“我好熟悉洪大哥，佢係我嘅好朋友。洪大哥个人非常之好，但係就拍戏拍得稍为仔细，所以拍得慢，佢惯咗慢工出细货。《功夫》前面嗰几场精彩嘅戏，都係由洪大哥拍嘅，包括嗰3个高手打斧头帮嗰啲人。嗰场戏拍咗好多日，因为嗰套戏嘅老闆係美国哥伦比亚公司，哥伦比亚畀压力佢（周星驰），要佢快啲拍完，因为个预算唔啱喇，要喺个限定嘅时间拍完。当时係拍得好，但佢觉得洪大哥拍得慢。当时嗰个猪笼城寨有好多蚊，洪大哥畀啲蚊咬到成个人肿咗，要返香港睇医生。人哋走咗，佢就即刻开大会，最后决定要换人。”
王晶表示对武术指导这一行来说，换人是很大的事，接手一方要先得到被换者同意才可接手。他指当时制片人跟袁和平（八爷）虽然是好朋友，但袁和平也未敢立即答应接手。
王晶续说︰“到洪金宝睇完医生要返嚟喇，但係周星驰表示，呢个係我听番嚟，我唔敢肯定，周星驰话︰‘你唔使返嚟喇﹗’洪大哥几时受过呢啲咁嘅气，咁就梗係唔返嚟啦﹗我就听过佢（洪金宝）话佢（周星驰）︰‘佢当自己係人，当其他人係狗囉﹗’呢个係洪大哥讲嘅﹗后来，洪大哥好大方，佢都冇所谓。我相信八爷一定问过洪大哥︰‘我接手你介唔介意？’佢（洪金宝）一定係话唔介意，佢（袁和平）至接手。当然，八爷接手后，后面都係拍得好好。我觉得中间成件事可以做得稍微靓啲，大家都好落台啲，而唔係话‘你唔使返嚟啦’。你连去见人一面、交代一吓都唔做，我只能够话处理得唔好，处理得非常之唔好﹗”
谈到周星驰执导的电影《美人鱼2》2018年开拍，却至今仍未有上映消息，王晶称听闻这电影2、3年前已拍完，但为何至今未推出却是一个谜。他在节目最后说︰“周星驰向来喺我心目中都係一个冇得顶嘅演员、一个非常用功嘅导演，只係唔适合深交嘅一个朋友，所以我希望佢日后仲会有更令我哋惊叹嘅作品出现。”
