明报：马国明劝孔德贤勿表演跳舞︰嗰啲黑历史睇番真係想死
马国明、孔德贤两代“奥运六星”成员（11日）一同出席活动，孔德贤叹今次“奥运六星”没表演，又说马国明当年的跳舞表演很正，他自问无法超越。马国明说︰“千祈唔好，嗰啲黑历史唔好再提，睇番真係想死﹗当年个骚有世界各地啦啦队表演，无啦啦叫我哋‘奥运六星’排两个钟出嚟跳，你话係咪人生污点？”
巴黎奥运凌晨闭幕，孔德贤说︰“我喜欢看运动比赛，唔捨得奥运完结。（做主持可有被批评？）我已完成主持最后一个直播，好彩冇被批评。锺Sir（锺志光）带得好好，示范畀我哋睇有咩唔讲得，有前辈同场好紧要﹗”
马国明称稍后将会去布拉格拍新剧外景，因只会在当地逗留3天，未决定会否安排太太汤洛雯同行。他表示工作已排至年尾，仍未有时间与太太蜜月旅行看北极光。
马国明说︰“她今早先投诉完，唔係好恶，都係温柔同靓，只係间唔中讲笑投诉啫！”孔德贤称看社交网才知好友谢东闵离巢︰“我好唔开心，唔捨得佢。佢係个好哥哥，我哋成日一齐睇波、倾偈，佢成日提点我。佢话唔使挂住佢，一定会再见。”
