欧阳震华效力TVB 39年未做过反派？ 原来同佢成日做主角有关係 | 香港01
欧阳震华新加盟英重娱乐，今日（16/8）他出席位于铜锣湾闹市的期间限店活动。他接受《香港01》访问时，谈到工作动向，他笑言：“签我返嚟都会有啲嘢畀我做，係咪？冇理由签我返嚟摆喺度嘅。”
欧阳震华表示，他早前前往马来西亚拍摄一套新戏，对这次饰演反派感到相当兴奋。他说：“唔係奸角，係反派，一个big boss。我以前喺TVB冇人畀我做反派㗎，搵我做反派啲人係零。”他解释说，是因为TVB怕欧阳震华被定型成为反派，以后的剧集就再难搵欧阳震华演正派的主角。
早前有报道指，欧阳震华想大家改口称呼他的中文名，而非英文名。他就解释当中缘起，表示可能被夸大了一些。他说：“好耐啦喎！因为之前有个《声生不息》节目，嗰时搵我话做个7月1号访问，啱啱做访问就有啲妹妹。嗰班妹妹就话：‘Bobby哥，Bobby哥。’其实我自己酝酿咗呢个英文名，酝酿咗想改好耐。”
他解释说，因为以前殖民地时期，在中学读书时，因为他没有英文名，所以就被老师改了“Bobby”这个英文名。他说：“叫Bobby啲人通常好乖，所以好多啲狗都叫Bobby。唔係人改狗名，係狗改人名，咁而家咁大个，啲人又叫‘Bobby仔’。我就冇所谓，不如就唔好咁尴尬啦，细过我叫我‘华哥’就得，大过我叫我‘华仔’又得，再细个我叫我‘华叔’都得。我有啲朋友叫我‘老波’都得㗎，‘波比’都得。”
