明报：Stephy讚男友似李秉宪郑雨盛 暂未有“嫁”期：拍拖9个月咋喎
邓丽欣（Stephy）昨晚（2日）出席电影《我谈的那场恋爱》首映礼。Stephy于戏中演诈骗集团成员，她笑言不会因为拍戏，而变了戏中角色，自己一向以真诚打动人，不用骗人，对男友绝对真心，没有骗过对方。
她指戏中角色爱情至上，不断有不同男朋友，对每段感情都全程投入，问是否与现实中的她一样？她说：“你又知嘅？呢啲叫真诚，对每个人真诚对待，係做人应该嘅宗旨。”
谈到圈外男友被讚如韩星般靓仔，她说：“咁都睇到咩？咁远？所以我话佢唔似Rain，因为眼睛大啲，佢好怕丑，不过畀人讚应该开心，我觉得佢似李秉宪同郑雨盛，都比较成熟。”
她否认男友是健身教练，只是喜欢健身，她拒透露男友的职业，只称和自己职业不同，她说：“都係朋友介绍，当初都冇谂过，好多人问我夹唔夹，反而唔同行业有好处，就係互相对对方行业好有兴趣。”问到可有结婚打算？她说：“拍拖9个月咋喎！相处吓先，对我嚟讲互相了解好紧要。”
