明报：惠英红贵妇Look压轴行骚 未有追求者 自诩鲜花未谂退休
惠英红、范冰冰、陈慧琳（Kelly）、邓丽欣（Stephy）、何超仪和倪晨曦，昨晚（3日）到香港故宫文化博物馆，出席活动CENTRESTAGE ELITES邀得首位跻身巴黎高级订制时装周的香港时装设计师Robert Wun（云惟骏）举行的开幕时装表演 ，众女星均穿上Robert Wun的设计时装到场，当中Stephy谷胸上阵、Kelly罕有低胸及范冰冰大玩透视最为性感。
惠英红以全黑贵妇造型亮相，获邀为时装骚担任模特儿最后出场行骚，她表示今次是相隔4年多再回港工作，很开心兴奋，更自爆行天桥时，因台下很多熟人看着，感到十分紧张，细心看会见到她手震脚震，她说：“因为太耐冇返香港工作，点解冇人搵我呢？之后见到Kelly就问佢知不知行天桥嘅係我？佢话唔知，只见到行出来嗰个人型到爆！”
几年没有返港工作，是否因在内地挣得盘满钵满？惠英红说：“唔係，边度搵我就去边度，我冇所谓，但可能香港有啲剧本唔太适合我，迟啲有好剧本，我一定会返嚟，之后再出席活动，就要返佛山为新戏开工，紧接再拍摄新剧及综艺节目。”
她透露新戏中亦有骑马动作戏分，膝盖已贴满胶布，她说：“因为骑咗好耐，膝头有啲痠痛脚软，始终都60多岁，𠵱家有啲惊骑马，唔会骑得好快。”
惠英红表示在内地4年多，差不多所有“小鲜肉”和“老腊肉”都合作过，很多工作也涉猎过，问可有追求者出现？她说：“冇，大家快啲介绍，全部都名草有主，但我唔係旁边野花，仍然係鲜花。”问有否考虑停下来享受生活？她说：“其实我开工係最享受，因为有好多人陪，我觉得开工最开心，如果真係退休，相信自己冇𠵱家咁靓，𠵱家係寄託同习惯，有人需要我都係好紧要，但如果我嘅男朋友需要我嘅话，我又唔介意放弃事业。”
惠英红指与陈家乐曾于电影演过两次母子，知道陈家乐已荣升爸爸，对方亦有传BB相给她看，可惜今次回港未能夹到时间探BB，她说：“都戥佢开心，睇住佢大，佢都演过我个仔2次，假假哋我都算做咗嫲嫲，已封大利市畀佢。”
